23 oktyabr 2024-cü il tarixində “Gələcək üçün dayanıqlı nəqliyyat” mövzusunda keçirilən tədbirdə “Azərbaycan Dəmir Yolları” QSC-nin ətraf mühit, sosial və idarəçilik sahəsində dayanıqlı nailiyyətlərinə dair hesabatı” təqdim edilib. Tədbirin sonunda ADY sədri Rövşən Rüstəmov və Asiya İnkişaf Bankının nəqliyyat direktoru Ceyms Lederin iştirakı ilə iki qurum arasında dəmir yollarında dekarbonizasiya sahəsində əməkdaşlığa dair missiya sənədi imzalanıb.
300 manatlıq “susma və susdurma” rüşvəti
Ən maraqlısı isə budur ki, tədbirin sonunda ADY-ə yaxın olan bir qrup təbliğatçıya ADY sədri Rövşən Rüstəmov adından 300 manat məbləğində xüsusi alış-veriş kuponları paylanılıb. Bununla bağlı cumhuriyyet.az-a daxil olan məlumata görə 300 manatlıq kuponlar ADY-nin mətbuat katibi Sənubər Nəzərova tərəfindən paylanılıb və bu şəxslərdən xahiş olunub ki, bu barədə kimsəyə bir söz deməsinlər. Eyni zamanda onlardan mətbuatda ADY ilə bağlı yazılan tənqidlərə aktiv şəkildə cavab verilməsi istənilib. Yəqin ki, əlaqədar qurumlar tədbir zamanı “heç nədən” 300 manatlıq alış-veriş kuponu paylanılmasına aydınlıq gətirəcək, işin hüquqi tərəflərini araşdıracaq, lazımi şəxslər məsuliyyətə cəlb olunacaq. Amma maraqlıdır ADY rəhbərliyi nədən narahatdır?
11 milyonluq korrupsiya
Təxminən bir il öncə “Azərbaycan Dəmir Yolları” QSC-yə (ADY) məxsus “ADY Konteyner” MMC-nin direktoru Natiq Cəfərov vəzifələrindən azad edilmişdi. Bununla bağlı cumhuriyyet.net-ə daxil olan məlumata görə bu qurumda korupsiya faktı ilə əlaqədar hüquqi araşdırma aparılır. Söhbət 10 milyon manatdan çox (təqribən 11 milyon) məbləğdən gedir.Mənbənin söylədiyinə görə ADY özünün tabeliyində olan müəssənin keçmiş direktoru haqqında işi baş prokurorluğa göndərib. Müəssisə yük daşımalarla məşğul olur. Günahlandırılan baş direktor indiki sədrin dövründə də işləyib və bu səbəbdən küllü miqdarda yeyintidə “Azərbaycan Dəmir Yolları” QSC-nin sədri Rövşən Rüstəmovun da iştiraşı şübhə doğurur.
Kadr çetesi
“Azərbaycan Dəmir Yolları” Qapalı Səhmdar Cəmiyyətində 15 ilə yaxındır ki, həyata keçirilən maxinasiyaları idarə edən Hicran Valehov dayanıb. Hicran Valehov uzun illərdir ki, köhnə vaqonların təzə adı ilə silinib büdcədən milyonların mənimsənilməsi, ezamiyyət xərclərinin şişirdilib ələ keçiriiməsi və digər maxinasiyaları həyata keçirib. Mənbənin cumhuriyyet.az-a bildirdiyinə görə, H.Valehovun qurumdaxili siyasətinin əsas icraçısını isə kadrlar şöbəsinin rəhbəri Tural Məmmədov həyata keçirir. Məhz Qafqaz Universitetində məlum şəbəkənin himayəsi ilə yetişən T.Məmmədovun nəzarəti altında bu gün kadr siyasətində peşəkarlıq deyil, məlum çeteyə bağlılıq əsas götürülür. Ən faciəli durum isə dövlət büdcəsinin eyni qrupun şirkətlərinə sərf edilməsini təmin edir.
