Azərbaycanda təkcə plastik cərrahiyyə yox, demək olar, 90% tibbi ixtisaslarda saxta sertifikat və ya sertifikasiya olmadan həkim kimi çalışanlar çoxdur. Cumhuriyyet.фя “Medicina”-нф шыештфвэт xəbər verir ki, bu dəfə tanınmış fizioterapevt, böyük özəl klinikalarda fizioterapiya şöbəsində əsas həkim kimi çalışan, sonradan öz mərkəzini quran və populyar verilişlərdə reklam olunan Rəhimə Atəşdən gedir. Daha çox aparıcı Zaur Baxşəliyevin verilişində ekspert kimi iştirak edir.
Jurnalist Qənirə Ataş həkimə məxsus sənədləri yayıb. Rəhimə Atəşin Odlar Yurdu Universitetini biologiya üzrə bitirdiyi məlum olub. Rəhimə Ateş öz adına Fizioterapiya və Reabilitasiya Mərkəzində xəstələri qəbul edir. O, özü barədə məlumatlarda Türkiyə’nin İstanbul və Ankara şəhərlərində və nüfuzlu xəstəxanalarında, illərlə müşahidəçi həkim olaraq çalışdığını qeyd edib, Braxial plexsus və digər koordinasiya pozuntuları, uşaqlarda beyin iflici, iflicli xəstəliklər kimi sahələrdə uzmanlaşmışdır. (uzmanlaşmışdır sözünün hansı mənada işləndiyi bilinmir, uzmanlıq dərəcəsi üçün Türkiyədə təhsil aldığı yazılmayıb)
2010-2011-ci illərdə İstanbul Universiteti Çapa Tibb Fakültəsində təkmilləşmə kursu keçmişdir.
2015-ci ildə Darüşşafaka fizioterapiya və reabilitasiya mərkəzində təkmilləşmə kursu keçərək həmin mərkəzdə müşahidəçi həkim olaraq çalışmışdır.
O, bir müddət karyerasının başlanğıcında Şəmkir xəstəxanasında da işləyib.
Onun Azərbaycanda məhz həkim fizioterapevt kimi çalışmasına icazə verən xüsusi sertifikatın olmadlğı bildirilir.
Bu sənədin sahibi Azərbaycan Səhiyyə Nazirliyindən həkim-fizioterapevt kimi sertifikat alıb. O, digər tibb universiteti məzunları kimi tam ixtisaslı həkim sertifikatını necə əldə edib? Gəlin, onun təhsil yoluna nəzər salaq:
-2003-2008-ci ildə cü ildə Odalar Yurdu Universitetinə tibbi biologiya ixtisası üzrə bakalavr təhsil alıb.
Maraqlıdır ki, bir il sonra tibbi biologiya ixtisasını bitirən şəxs Şəmkir Rayon Xəstəxanasında həkim-fizioterapevt kimi internatura keçib. Saxtakarlığın ilk təməli elə burada qoyulub. Bu məlumat yayıldıqdan sonra, diplomun kimə məxsus olduğu öyrənməyə çalışdıq.
İddialara görə, bu diplomun sahibi Fizioterapiya və Reabilitasiya Mərkəzində çalışan, özünün sosial platmfora hesabında Dr. fizioterapevt və reabilitiloq kimi təqdim edən Rəhimə Atəşə məxsusdur. Bu məlumatı yayımlamadan öncə, xanım reabilitiloq Rəhimə xanım Atəşlə əlaqə saxlamağa çalışdıq. Artıq iki gündür Rəhimə Atəşin qəbul telefonu ilə köməkçisi ilə əlaqə saxlayaraq, onun da mövqeyini təqdim etmək istədik. Amma nə yazıq ki, hər zəngimizdə Rəhimə Atəşin köməkçisi “Rəhimə xanıma məlumat vermişik, sizinlə əlaqə saxlayacaq”-deyə cavab verdi.Amma nədənsə bu iki gün ərzində Rəhimə xanım Atəşlə əlaqə yaratmaq mümkün olmadı.
Redaksiyadan: Qarşı tərəfin də mövqeyini dərc etməyə hazırıq.
