“Bəs nə deyim?”, “Ay bəri bax”, “Niyə yox deyirsən?” və “Güman yeri var” adlı Azərbaycan mahnılarını oğurlayan erməni qarmon ifaçısı Gagik Stepanyanın ifaları “Yutub”dan silinib.
Cumhuriyyet.az xəbər verir ki, məlumatı Azərbaycan Əqli Mülkiyyət Agentliyi yayıb.
Qeyd olunub ki, erməni qarmon ifaçısı Gagik Stepanyan sözügedən Azərbaycan mahnılarının müsiqilərini popuri şəklində qarmonda ifa edərək, erməni mahnısı kimi təqdim edib və səhifəsində yerləşdirib. Həmçinin mahnıların adlarını və onların müəlliflərinin adlarını qeyd etməyib:
“Azərbaycan Əqli Mülkiyyət Agentliyi tərəfindən həyata keçirilən tədbirlər nəticəsində rəqəmsal şəbəkələrdə müəlliflərin, ifaçıların və fonoqram istehsalçılarının əmlak hüquqlarını kollektiv əsasda idarə edən “Rəqəmli və Audiovizual Yayım Sənayesi” İctimai Birliyinin (RAYS) texniki yardımı ilə erməni qarmon ifaçısı Gagik Stepanyan ifası Yutubun qeyd edilən səhifəsindən silinib”.
