Ölkə rəhbərliyinin işğaldan azad olunmuş ərazilərimizin yenidən qurulmasına necə xüsusi həssaslıqla yanaşdığı gün kimi aydındır. Və ortada olan bu fakta rəğmən hələ də bəzi məmurlar tapılır ki, bu ülvi niyyəti belə qılınclasın, ictimai rəğbətdən məhrum etsin. Məsələn, bu gün Qarabağın yenidən qurulmasına cəlb edilmiş əcnəbi sahibkarlar arasında hətta Azərbaycanı özünə düşmən hesab edən iş adamları da var. Amma maləsəf, həmin “iş adamları” ölkəmizdəki MƏMUR ORTAQLARI sayəsində dövlət büdcəmizin pullarını bir yırtıcı kimi sümürməkdədir.
“DİA-AZ” olaraq onlardan biri ilə bağlı neçə müddətdir məlumatları paylaşmaqdayıq. Bəli, dəyərli oxucular söhbət Azərbaycanda – Qarabağ kimi xüsusi bir anlamı olan ünvandakı quruculuq işlərinə cəlb olunmuş, özünü “TÜRKİYƏLİ İŞ ADAMI” adı altında gizlədən, əslində əsl PKK terror təşkilatı simpatizanlarından olan Eren Mollaoğlu adlı birisindən gedir. Qeyd edək ki, özünün inkar etməsinə baxmayaraq onun qardaş Türkiyədə terror yandaşı hesab olunan HDP ilə sıx əlaqələrinin olması bir faktdır və hətta bəzi qaynaqlar onu HDP-nin əsas sponsorlardından biri kimi də nişan verirlər. Bu isə o deməkdir ki, bizim işbaz məmurlarımızın Azərbaycanda bəslədiyi bu terror yandaşı məhz bizdən qazandığı, dövlətimizdən oğurladığı pulları qardaş Türkiyə xalqına qarşı xərcləməkdədir ki, bu fakt da mütləq şəkildə gərəkən qurumlar tərəfindən araşdırılmalıdır.
EREN MOLLAOĞLUNU QARABAĞA KİM GƏTİRİB?
Qeyd edək ki, bu adam əvvəllər də “Azərsu”nun sabiq rəhbərliyinin ortağı olub və zamanında keçmiş “Azərsu” şefi Qorxmaz Hüseynov Eren Mollaoğluna çox tenderləri peşkəş edib. Bu faktlar da yerli KİV-də yetərincə işıqlandırılıb. Nəhayətdə DÖVLƏT BABA özbaşına qalan bu Qorxmaz Hüseynovu PİS BİR TƏCRÜBƏ kimi cəzalandırır, onu vəzifəsindən uzaqlaşdırır.
Hətta uzun müddət “Azərsu” sədri postu boş qalır, nəhayətdə “Azərsu” bir qurum kimi ləğv olunaraq daha bir neçə qurumla birgə Azərbaycan Dövlət Su Ehtiyatları Agentliyinin (ADSEA) tərkibinə birləşdirilir. Başına isə “Bravo” supermarketlər şəbəkəsinin rəhbərliyindən Zaur Mikayılov gətirilir.
“DİA-AZ” xatırladır ki, həmin dönəmdə belə bir təəssürat yarandı ki, Zaur Mikayılov gələndən sonra Qorxmaz Hüseynovdan qalma bütün pisliklərdən imtina edəcək. Amma sonradan aydın oldu ki, market piştaxtasının arxasından birbaşa olaraq ADSEA şefi kimi çühüm bir posta təyin olunan Zaur Mikayılova elə köhnə pisliklər ən yaxşı ortaq imiş. Nəticədə, adı PKK ilə hallanmasına rəğmən və köhnə rəhbərliyin ucuz əlaltısı olmasına baxmayaraq bir neçə iş ortağı yenidən ADSEA-dan tender udmağa başladı ki, onlardan biri də Eren Mollaoğlu idi.
Və keçən günlərdə “DİA-AZ” olaraq bir faktı da təqdim etdik ki, Eren Mollaoğlu Kəlbəcər rayon icra başçısı ilə də müəyyən əlaqələrə malikdir, hətta bu günlərdə Prezident İlham Əliyevin Kəlbəcərdə açılışını etdiyi marketin yerləşdiyi obyektin özü belə məhz Eren Mollaoğlu tərəfindən Kəlbəcərin icra başçısı Azər Qocayev üçün inşa olunub. Yəni obyekti Eren Mollaoğlu tikərək Azər Qocayevə hədiyyə edib.
Qeyd edək ki, bu fakt böyük rezonans yaratdığından Kəlbəcər RİH-dən səslənən iddia ilə bağlı redaksiyamıza ilginc fakt açıqlandı. Adının çəkilməməsi şərtilə danışan qaynaq bildirdi ki, Eren Mollaoğlu heç də onların istək və göstərişi ilə Kəlbəcərdə quruculuq fəaliyyətinə cəlb olunmayıb. Mənbə bildirir:
“Yeri gələndə Azər Qocayevin özü belə icra başçısı olmasına baxmayaraq Kəlbəcərə icazə ilə gedir. Eren Mollaoğlunun arxasında Zaur Mikayılov dayanır və bunu hamı bilir. Bu adamın özü isə hər yerdə deyir ki, “mən Ərdoğanın oğlu ilə dostam və məni Prezidentə Ərdoğanın oğlu tapşırıb”. Əslində isə bütün bunlar cəfəngiyyatdır. Və məhz Eren Mollaoğlu bu gün Qarabağda ADSEA-nın iş icraçısı kimi fəaliyyət göstəriri, onun hesabı da Zaur Mikayılovdan sorulmalıdır…”
Qeyd edək ki, mənbəmiz Eren Mollaoğlunun Kəlbəcərin RİH başçısı üçün market tikmə məsələsi ilə bağlı isə susdu.
Məsələ diqqətimizdədir. Əlavə bilgilərimiz olacaq. Bizi izləyin…
