PKK-nın silahı buraxma qərarına baxmayaraq, aylardır Suriya Demokratik Qüvvələriinin (SDQ) – əslində, PKK/YPG-nin mart ayındakı anlaşmaya zidd olaraq, silahları yerıə qoymaması və Suriya ordusuna inteqrasiyadan yayınmaları davam edirdi. Nəhayət, ötən axşam SDQ lideri “Mazlum Abdi” tabeliyindəki silahlı qüvvələr Dəməşq hökumətinə boyun əyib.
Mia.az xarici mətbuata istinadla xəbər verir ki, bu barədə onun özü açıqlama verib.
“Mazlum Abdi” ləqəbli SDQ (PKK/YPG) lideri Ferhat Abdi Şahin bildirib ki, artıq Dəməşq hökuməti ilə ilkin razılığın əldə olunub: “Razılaşmaya əsasən Suriya Müdafiə Nazirliyi və ordu komandanlığında müxtəlif vəzifələrdə yer alacağıq. Şübhəsiz ki, bu addım Suriya ordusunun güclənməsinə töhfə verəcək. Həmçinin, bzim silahlı qüvvələrimizin bəzi mənsubları Daxili İşlər Nazirliyinə inteqrasiya olunaraq, Suriyanın şimal-şərqində polis əməkdaşı kimi fəaliyyət göstərəcəklər”.
O, İsrailin müdafiə etdiyi Sveydadakı druzlarla bağlı məsələyə də toxunub. Deyib ki, onlarla bağlı qərarın icrasında da gecikmələr var: “İnanıram ki, onlarla da anlaşma olacaq. Bundan sonra isə ölkəyə heç bir kənar müdaxiləyə səbəb olmayacaq”
Xatırladaq ki, Türkiyə Prezident Rəcəb Tayyib Ərdoğan Misirin Şarm əl-Şeyx şəhərində keçirilən Sülh Sammitindən dönərkən SDQ-yə bir daha xəbərdarlıq edərək, inteqrasiya məsələsində tələsməyi məsləhət görüb. Maraqlı burasıdır ki, bu xəbərdarlıqdan bir neçə gün sonra Moskvaya səfər edən Suriya prezidenti Əhmət Şara geri dönən kimi anlaşma əldə olunub.
