Son vaxtlar Sumqayıtda yaşılıqların kəsilməsi, səkilərin zəbt edilməsi, qanunsuz tikililərin çoxalması faktlarının artması vətəndaşlar tərəfindən ciddi narazılığa səbəb olmaqdadır. Facebook sosial şəbəkəsində “Sumqayıt 24” səhifəsində 12 noyabr 2025-ci il tarixində qanunsuz tikilinin sökülməsi ilə bağlı yerləşdirilən videogörüntünün altında yazılan şərhlər bunu bir daha sübut edir. Həmin şərhlərin bəzisini onların ictimai əhəmiyyətini nəzərə alaraq oxucuların diqqətinə çatdırırıq:
Məhərərəm Tural adlı vətəndaş yazır: “Vətəndaşların çəkdikləri videolarada diqqət göstərin zəhmət olmasa, xəlifənin arxa hissəsindəki yolda nə qədər qanunsuz tikili zəbt edilmiş ərazilər var ki piyada yolları qalmayıb artıq. Həmçinin, Aygün parkın arxasında, 1ci mkr.da, loğman aptekin yanında və digər ərazilərdə.
Sənan Təhməzov yazır: “Göyərçinə gedən yolda da ağacları kəsib yerinə köşk yerləşdiriblər.Onuda göstərin görək necə olur axırı”.
Aqil Aqammedov yazır: “Bazar tərəfdə ağacları kəsib bir gecənin içində obyekt tikirlər, heç onu dağıdan yoxdu”.
Nahid Abdullayev yazıb: “Bütün səkilər tutulub, arada ondan da yazın”.
Habil Məmmədov yazıb: “Şəhərin ümumi memarlıq “siması “Şərq bazarı Araz supermarketdən başlayaraq Sədastoreyə qədər uzanan böyük ticarət obyektləri və şadlıq saraylarıdir”.
Dogər vətəndaşlar da şərhlərində İcra Hakimiyyətini şəhərdəki neqativ hallar qarşısında fəaliyyətsizlik sərgiləməkdə ittiham edib.
