Sabiq Əmək və Əhalinin Sosial Müdafiəsi naziri Füzuli Ələkbərovun rəhbərlik etdiyi “İmprotex Motors” MMC və ona bağlı şirkətlərin cari il ərzində bağladığı dövlət müqavilələrini araşdırıb. Məlum olub ki, şirkətlər müxtəlif nazirliklər və dövlət qurumları ilə yüksək məbləğli müqavilələr imzalayıblar.
Araşdırmaya görə, “Improtex Motors” və “IMPROTEX TRUCKS AND BUSES” MMC-nin ümumi aldığı dövlət sifarişlərinin məbləği təxminən 8.5 milyon AZN-dən çoxdur.
Ən böyük məbləğli müqavilələrdən bəziləri:
Özüboşaldan yük avtomobillərinin satınalınması
Şirkət: IMPROTEX TRUCKS AND BUSES MMC
Müştəri: Azərbaycan Respublikası Maliyyə Nazirliyi
Məbləğ: 6.952.560 AZN
“MAN TGS 33.400 6X4 BB CH” tullantı daşıyan avtomobillərin satın alınması
Şirkət: IMPROTEX TRUCKS AND BUSES MMC
Müştəri: Dövlət Radiotezliklər İdarəsi
Məbləğ: 1.083.000 AZN
Minik avtomobillərinin satınalınması
Şirkət: İmprotex Motors MMC
Müştəri: Azərbaycan Respublikası Müdafiə Sənayesi Nazirliyi
Məbləğ: 220.000 AZN
1 ədəd sedan tipli xidməti minik avtomobilinin satın alınması
Şirkət: İmprotex Motors MMC
Müştəri: Fövqəladə Hallar Nazirliyi
Məbləğ: 253.148 AZN
Qeyd edək ki, “IMPROTEX TRUCKS AND BUSES” MMC-nin nizamnamə kapitalı cəmi 220 manatdır. Şirkətin qanuni təmsilçisi Mühəmməd Fərid Abdullayev Azər oğludur. Hüquqi ünvanı Bakı şəhəri, Nəsimi rayonu, 20 Yanvar küçəsi, ev 33-də yerləşir. Onun qanuni təmsilçisi olduğu “Improtex Motors” MMC də eyni ünvanda qeydiyyatdadır.
Araşdırmaya əsasən, sabiq nazirə məxsus şirkətlər dövlət büdcəsindən yüksək məbləğli sifarişlər almaqda davam edir, xüsusilə nəqliyyat vasitələrinin təmiri və satınalınması sahəsində aktiv fəaliyyət göstərirlər.
Xüsusi qeyd: 8.5 milyon manatdan çox dəyərdə tenderlərin qalibi olmuş şirkətə Füzuli Ələkbərov rəhbərlik edir. Onun bacısı oğlu Fərid Cəfərov isə hazırda Mədəniyyət naziri Adil Kərimlinin müavinidir. Eyni zamanda, iddialara görə, Fərid Cəfərov və dayısı oğlu Vüqar Ələkbərov 2013-cü ildə baş verən İsmayıllı hadisələri zamanı həmin rayonda olub.
Əlavə məlumat üçün bildirək ki, nazir müavininin xidməti avtomobili – BMW markalı nəqliyyat vasitəsini öz dayısına məxsus “İmprotex Motors” şirkətindən aldığı iddia edilir.
Həmçinin bildirilir ki, nazir müavininin rəhbərlik etdiyi qurumun keçirdiyi tenderlərin bir qismi də dayısına məxsus şirkətlərin üzərinə ötürülüb.
Mətbuata sızan məlumatlarda vurğulanır ki, dayısının milyonlarla manatlıq dövriyyəsi və biznes imkanları hesabına nazir müavininin vəzifəyə gətirildiyi iddia olunur.
32gun.az
