Azərbaycan Respublikasının Baş Prokurorluğu zərərçəkmişə məktub yazıb: “Emil Ağacanov cinayəti törədərkən anlaqsız olmuş, öz hərəkətinin ictimai təhlükəliliyini, faktiki xarakterini dərk etmək iqtidarında olmayıb…”
Müstəqil Az bildirir ki, bu sözlər Azərbaycan Respublikası Baş prokurorluğunun İstintaqa nəzarət idarəsinin rəis müavini, ədliyyə müşaviri Rəşid Bayramovun amansızlıqla qətlə yetirilmiş İradə Muradovanın zərərçəkmiş qismində tanınan bacısı Rəna Muradovaya ünvanladığı məktubda yazılıb.
Müstəqil.Az-a bu barədə danışan Rəna xanım qeyd edir ki, qətlin törətdildiyi ilk günlərdən, qatilin yeznəsi Elnur Həbibov demişdi: Əlimizdən gələni edəcəyik ki, Emilin cəzası yüngül olsun.
Deyəsən, o, sözünü boş yerə demirmiş. Doğrudan da onun əminliklə söylədiyi bu ifadədən sonra ekspertizanın verdiyi rəy qətli törədənin anlaqsız halda cinayət törətdiyini təsdiqlədi.
Rəna xanım vəkili Rəşad Cəbrayılovla birlikdə ekspertizanın rəyindən razı olmadıqlarını, üç dəfə etiraz edib təkrar ekspertiza rəyi tələb etsələr də, hər dəfə ekspertizanı rəyi dəyişməz qalıb. Rəna xanım deyir ki, məhz bütün bunlar istintaqın qeyri-obyektiv aparılması haqda narahat olmamıza əsas verir. Bu da sübut. Rəsmi məktub da bacımın qanının batırılması üçün tikilən torbanın ağzına vurulan möhürdü, sanki. Demək, Elnur Həbibov nəyəsə güvənirmiş, çalışacağıq Emilin cəzası yüngül olsun, dedikdə.
Rəna xanım qeyd edir ki, törətdiyi amansız qətl hadisəsinin bu qədər mülayimləşdirilməsinin səbəbini kimdən soruşsun, bilmir. Xanım zərərçəkmiş idiia edir ki, ilkin müşahidələr və sonradan yox olaraq istintaq işində əksini tapmayan ifadələrə inansaq, bacısı qətl zamanı görünməmiş şiddətə məruz qoyulub; Çənə sümüyünü sındırılıb, barmaq və dırnaqları qırılıb, başına vurulan küt zərbələrlə beyin və baş sümüyünü parçalanıb, nəhayət boğularaq öldürülüb. Ən dəhşətlisi budur ki, fərdi söhbətlərdə bütün inistansiyalar bunu təsdiq edir. Lakin sonradan hər şey əksinə olub
Rəna xanım deyir ki, bacısı İradə Muradovanın Yasamal Prokurorluğunun tibbi-ekspertizasının gəldiyi qənaətinə görə birdən birə Azərbaycan Respublikasının Cinayət məcəlləsinin 120.1 cinayət maddəsində deyilən əməllərlə qətlə yetirilməsi rəyini əslində başa düşür, axı qətli törədən Emil Ağacanovun yeznəsi ilk gün demişdi ki, çalışacağıq cəza yüngül olsun. Onun dediklərini Respublikanın Baş prokurorluğunun İstintaqa nəzarət idarəsinin rəis müavini, ədliyyə müşaviri Rəşid Bayramov rəsmi olaraq 10.12. 2025-ci il tarixdə imzaladığı 2-2-40/2-265047/2025 saylı məktubu ilə təsdiqlədi.
Daha bu qədər də olmaz da, deyir, Rəna xanım. Biz sivil və azad bir ölkədə yaşayırıq, quldarlıq dövrü, deyil ki…
Rəna xanım xüsusi olaraq onu da qeyd edir ki, bunlaraın verdiyi rəydən belə anlaşılır ki, faciəli sonluqla başa çatdırılan qətl hadisəsini törədərkən Emil Ağacanov guya ehtiyatsızlıq edib, hərəkətlərinin fərqinə varmayıb, qurbanını “sığallaya-sığallaya”, qətlin əsas amasızlığı ilə müqayisədə nazlaya-nazlaya öldürüb.
Emil Ağacanovun heç də psixi cəhətdən xəstə olmamasınını onun qonşularının sosial şəbəkələrdəki paylaşımıarı da təsdiq edir. Onlar Emilin sağlam insan olmasından, belə dəhşətli hadisəni anlaqsız olmasıı səbəbindən törətməsinə təəcüblərini gizlətmirlər. Biz elə bilirdik ki, istintaq işini aparan müstəntiq, prokurorluq əməkdaşları xırda nüanslara da diqqət ayırmalıdır, bunlar isə bu boyda faktları gğrməzdən gəlir.
Müstəntiq Sayyad Abbasov isə qərar verməkdə yalnız ekspertizanın şübhəli rəyinə əsaslanır. Bəs doğrudanmı qatilin azadlıqda qalması üçün bu qədər saxtakarlığa imza atılmalıdırmı? Yoxsa biz elə filimlərdə, əsərlərdə həqiqətin qalib gəldiyinə inanaq? Hər halda istintaq davam edir məşhur deyimizi bizdə təkrar edirik və məhkəmənin necə keçiriləcəyini indidən proqnozlaşdırırıq.
Söz adrdı: Prokurorluğun istintaqı, Müstəqil.Az-ın araşdırması davam edir. Bizi izləyin
Müstəqil.Az
