Prezident Aparatının sabiq rəhbəri, hazırda dövlətə xəyanət maddəsi ilə barəsində istintaq işi aparılan Ramiz Mehdiyev və ətrafı özlərini unutdurmaq, ictimai rəyin diqqətini başqa səmtə yönəltmək üçün olduqca hiyləgər üsula əl atıb. “Boz kardinal” və dəstəsi “kölgədə qalmaq”, etdikəlri əməllləri ört-basdır etmək, ictimai müzakirə obyektinə çevrilməkdən yayınmaq üçün süni gündəm yaratmağa cəhd edir.
Bu məqsədlə də Mehdiyev klanı Bakı–Hövsan Beynəlxalq Ticarət Dəniz Limanının faktiki rəhbəri Ruslan Eyyubovun həbsindən mümkün qədər yararlanmağa çalışır, media və sosial şəbəkələrdə Eyyubovlar nəslindən olan digər şəxslərin də məsuliyyətə cəlb ediləcəyi ilə bağlı heç bir rəsmi mənbəyə söykənməyən informasiyalar tirajlayırlar. Məqsəd “Ramiz Mehdiyev işi”ni ictiamiyyətə unutdurmaq, Eyyubovları hədəf seçməklə özlərinin digər bəd əməllərinin ortaya çıxmasının qarşısını almaqdır.
Bu səbəbdən də Ramiz Mehdiyev və dəstəsinin yaxn gələcəkdə informasiya müstəvisində digər məmurlarla bağlı da analoji addımlar atması, ictimai müzakirəyə xeyli sayda dezinformasiyalar buraxması mümkündür.
Xatırladaq ki, Ramiz Mehdiyev məsuliyyətə cəlb olunsa da, hələ də müxtəlif strukturlarda ona sadiq olan, vəzifəyə Mehdiyevin xeytir-dusı ilə gələn və onun təlimatlarını yerinə yetirən xeyli sayda məmurun olması ilə bağlı ehtimallar mövcuddur. Çox güman ki, Ramiz Mehdiyev ölkədə süni gündəm yaratmaq, baş verən olayları şişirtmək və onları miqyasca daha böyük müstəviyə daşımaqla, həm də bu şəxslərin ifşa olunmasının qarşısını almağa çalışır.
