“SHAURMA N1” restoranlar şəbəkəsinin sahibi olan Aqil Babayevin işi ətrafında qalmaqal səngimək bilmir. Belə ki, dünən işıqlandırdığımız yazı ictimaiyyət arasında və müvafiq qurumlarda kifayət qədər qalmaqala səbəb olub. Yazımızda qeyd etdiyimiz və faktlara söykənən paylaşımın nəticəsində Natiq Sadıqov və Anar Aslanovun başçılıq etdiyi bu dəstənin planları ifşa olunaraq fiaskoya uğramışdır.
Keçən yazımızda qeyd etdiyimiz kimi, Natiq Sadıqov və Anar Aslanovun təşəbbüsü ilə Mətin Kərimliyə çıxılaraq, onun qardaşı İnam Kərimovun Ali Məhkərmədə baş tutacaq proseslərə müdaxiləsini təmin etmək və bununlada Aqil Babayevə qarşı aparılan məkrli kampaniyanı öz xeyirlərinə yekunlaşdırmaq istəyi idi. İctimayyətin və müvafiq dövlət qurumlarının diqqətini cəlb edən bu paylaşımdan sonra belə, cinayyətkar dəstənin üzvləri israrla hələ də Mətin Kərimli ilə fevral ayının 17-nə planladıqları canlı görüşün baş tutması üçün çalışırlar.
Anbaan cərəyan edən qalmaqllı hadisələrin iştirakçısı olan bu dəstə ilə hər hansı bir növbəti atılan müştərək addımın hansı fəsadlara gətirib çıxaracağı təsəvvür edilməzdir. Dəstənin bəlli olan və gizlində qalan cinayət əməllərinin fonunda, Mətin Kərimli və İnam Kərimov nə dərəcədə öz nüfuzlarını riskə ataraq bu dəstənin sövdələşmə görüşünə getməyə hazırdılar?!
Aqil Babayevin ailə üzvləri və müdafiəçiləri öz müvəkkilərinin hüquqlarını qanun çərçivəsində müdafiə etməkdə israrlıdırlar və sona qədər mübarizəni aparmağa davam edəcəklər.Azad media qurumu olaraq, biz də onlara mütəmadi dəstək göstərərək,bu işdə baş verən qanunsuzluqları və təzyiq hallarını ölkə rəhbərliyinin və ictimaiyyətin diqqətinə çatdırmağı qarşımıza məqsəd qoymuşuq.
