Daxili işlər naziri olduğum müddətdə İstanbul Böyükşəhər Bələdiyyəsinin sədri Əkrəm İmamoğluna korrupsiya və qeyri-qanuni tenderlərlə bağlı dəfələrlə xəbərdarlıq etmişdim.
Cumhuriyyet.az xəbər verir ki, bunu Türkiyənin sabiq daxili işlər naziri, millət vəkili Süleyman Soylu deyib.
“Demək olar ki, 5-6 il ərzində İmamoğluna xəbərdarlıq etdim, müfəttişlər göndərdim. Dedim ki, bələdiyyələrə buraxılmaması lazım olan şəxsləri toplayırsınız, PKK, FETÖ-dən kadrlar yığırsınız. Bizə qulaq asmadılar. Bundan başqa, korrupsiya faktlarını, tender səhvlərini aşkar etdik. Amma onlar yuxarıların qanunlarına öyrəşiblər”, – Soylu vurğulayıb.
Qeyd edək ki, İstanbul Böyükşəhər Bələdiyyəsi ilə bağlı aparılan korrupsiya istintaqı çərçivəsində bələdiyyə sədri Əkrəm İmamoğlu barəsində 23 martda həbs qərarı çıxarılıb.
