Ukrayna prezidenti Volodimir Zelenski Ağ Ev lideri Donald Trampla bazar günü, 28 dekabrda görüşə bilər.
Musavat.com xəbər verir ki, məlumatı “Axios”un müxbiri Barak Ravid “X” sosial media hesabında paylaşıb.
Onun sözlərinə görə, görüş Trampın Floridadakı iqamətgahında planlaşdırılıb.
Jurnalist adı açıqlanmayan Ukrayna rəsmisinə istinadən qeyd edib ki, görüş Mar-a-Laqoda keçiriləcək: “Ukrayna rəsmisinin sözlərinə görə, prezident Tramp bazar günü Mar-a-Laqoda Ukrayna lideri Zelenski ilə görüşəcək”.
