WUF13 çərçivəsində paytaxtın bir sıra küçə və prospektlərində avtobuslar üçün müvəqqəti hərəkət zolaqları təşkil ediləcək.
“Qafqazinfo” xəbər verir ki, bununla bağlı Azərbaycan Yerüstü Nəqliyyat Agentliyi (AYNA) məlumat yayıb.
Həmin ərazilər aşağıdakılardır:
– Abbasqulu ağa Bakıxanov küçəsi;
– Mehdi Abbasov küçəsi;
– Mikayıl Əliyev küçəsi;
– Yusif Səfərov küçəsi;
– Mikayıl Müşfiq küçəsi.
Bildirilib ki, bu zolaqlar müvafiq yol nişanı quraşdırıldıqdan sonra qüvvədə olacaq. Yəni nişan olmadığı müddətdə bütün nəqliyyat vasitələri zolaqdan istifadə edə bilər.
