Son illər təhsil sahəsində olan geriləmələr, təhsilin bütün sahələrində olan uğursuz addımlar, müəllimlərin hörmətini itirməsi və həddindən artıq yüklənməsi, şagirdlərin artıq idarə edilə bilinməməsi bütün ölkə vətəndaşları tərəfindən tənqidə səbəb oldu. Deyilənlərlə edilənlər qəti şəkildə üst-üstə düşmür. Daha çox mobbinq, bullinq, mafya rejimi ilə təhsili idarə edirlər. Ən çox şikayət olunan isə Emin Əmrullayevin lazımsız addımları, pul silmə əməliyyatları və Eşqi Bağırovun mafya İdarəsidir.
Keçən illər zəminində dəfələrlə direktorlarla bağlı şikayətlər olunmuş, direktor hegemonluğu, etdiyi haqsızlıqlar sübuta yetirilsə də, “məni bura Eşqi Bağırov qoyub istədiyimi edərəm, məni Eşqi qoruyur, mənə heç Naziriniz də heç nə edə bilməz” kimi ifadələri dəfələrlə eşitdik. Yoxlamalar keçirilir, nəticələr gizlədilir, səbəbi bilinməyən direktor təyinatları edilir.
Hər kəs bilir ki, MİQ, Sertifikasiya, direktor, direktor müavini BAZARINA Eşqi Bağırov rəhbərlik edir. “Bazarda” istədiyi kimi addım atır və hər yerdə özünə dayaqlar yaradır. MİQ, Sertifikasiyada yaranan özbaşınalıqlar, köçürmələr, rezerv edilmiş yerlər, korrupsiya əməlləri, son edilən haqsızlıqlar, həmçinin vakansiya problemləri hamısı birbaşa Eşqi Bağırovun əli ilə olmuşdur.
Emin Əmrullayevin yaratdığı təhsillə əlaqəsi olmayan Regional rəhbərləri idarəni yeyinti mərkəzinə çevirdilər. Birbaşa monitorinq, layihə, yarış adı ilə təhsilə ayrılan bütün maliyyəni mənimsəyən Əmrullayev müəllimləri gözdən salmaq üçün dəfələrlə xoşagəlməz addımlar atdı. İstəyəndə müəllimlərin test cavabların göstərdi, istəyəndə brifinqdə ələ saldı, istəyəndə rüşvətxorları bağışladı, istəyəndə insanların içində alçaltdı. Saxta “oxuyub anlama” bacarığı formalaşdırılması adı altında bütün pulsilmə və məhv etmə əməliyyatlarına yerinə yetirdilər. Lazımsız layihələrə ayrılan maliyyəni mənsimsədilər.
ARTİ Eşqi Bağırov ilə Emin Əmrullayev arasında qalıb. Ayrılan maliyyəni sanki Əmrullayev və Bağırov orda güc savaşı ilə paylaşırlar. Amma görünən odur ki, Eşqi Bağırovu arxasına alıb atamanlıq edənlərin sayı getdikcə artır. Artıq Eşqi Bağırov Regionalların rəhbərlərini, sektor müdirlərini də özü seçir, təyin edir, qoruyur və onlardan da yüksək gəlir əldə edir.
Bunlardan əlavə, müəllimə olan alçaldıcı təzyiqlər, şagirdlərə qarşı edilənlər və idarəetmənin tamamilə itirilməsi, dərsliklər, təhsili tamamilə ayaqlar altına almaq, köklü şəkildə təhsili məhv etmək addımları bizləri bir daha düşündürür. Bir Azərbaycan oğlu, bir Azərbaycan vətəndaşı həqiqətən məqsədli şəkildə təhsili, elmi niyə məhv etmək istəsin? Bunun adı nə ola bilər? Bu suallar bir daha bizləri düşünməyə vadar edir ki, bəlkə də illər əvvəl səslənən Emin Əmrullayev və Eşqi Bağırov FETÖ-çüdür xəbərləri doğrudur. Bilə-istəyə təhsili çökürtmək və beləliklə, Azərbaycan xalqını şikəst etmək istəyirlər?!
Son zamanlarda açıq-aydın şəkildə müəllimləri sertifikasiya imtahanında kəsdilər, 50+ bal yığmalarına mane oldular. Kimya, Azərbaycan dili, dövlət dili, ingilis dili fənlərindən edilən haqsızlıqlara gülərək reaksiya verən Emin Əmrullayev müəllimlər tərəfindən heç xoş qarşılanmadı. “Kimsə yüksəkdən qışqırırsa, bu o demək deyil ki, biz ondan qorxuruq” deyən Emrullayev eyni şəkildə MİQ-də də dayanmadan qanunsuzluq etməyə davam edir. Əvvəlcə, vakansiya seçimlərində anidən dəyişiklik edərək insanların çox məyus olmasına səbəb oldu. Ailəsindən ayrı qalan, nişanlı olan, iş axtaran, köçmək istəyən, yaşayış yeri yanlış yazan, tələbə olan hər kəsi məyus etdi. Ən əsası isə vakansiyaları gizlətdi. Bu işdə həm Eşqi Bağırov, həm Emin Əmrullayev, həm də Nurlan İsmayılbəyli günahkardır.
Məktəblərdə şagird sayı ortada, müəllim sayı ortada, dərs bölgüsü ortadadır. Müəllimlərin sertifikasiya balları da ortadadır. Necə ola bilir ki, bütün bunlar ortada ikən illərdir vakansiya verilməyən məktəblər var. Həmçinin hər il müddətli müqavilə ilə işçi qəbul edən və vakansiya verməyən məktəblər var. Bundan əlavə, vakansiya verməmək üçün zorla ərizə yazdırılan müəllimlər var. Necə ola bilir ki, bütün müəllimlər bilirlər, amma Nazirlik və qurumları bilmirlər. Bəs şagirdlərin keyfiyyətli təhsili necə olacaq?!
Müəllimləri əzdilər, incitdilər, alçaltdılar, indi də açıq-aşkar qanunsuzluq edirlər. Təsəvvür edin ki, vəziyyət o həddə çatıb ki, artıq göz görə-görə qanunsuzluq edirlər. Heç bir çəkinmə, narahatçılıq yoxdur. Nurlan İsmayılbəyli də Eşqi Bağırovun adamıdır. Eşqi Bağırovun bütün olanlardan xəbərinin olmaması imkansızdır. Necə ola bilər ki, vakansiyalar gizlədilir və MÜTDA-nın xəbəri yoxdur?! Artıq bu il Təhsili elə bir vəziyyətə gətirdilər ki, bundan sonra çətin ki təhsilimiz bərpa ola!..
Bütün ekspertlər yazırlar, müəllimlər şikayət edirlər, valideynlər, şagirdlər ə, tələbələr şikayət edirlər. Amma ortada heç bir qeydə dəyər nəticə yoxdur. Təhsil nə üçündür? Təhsil kim üçündür? Artıq bu suallar şübhəlidir. Çünki burda təhsildən başqa hər şey var.
İnsanlar artıq hər şeydən əllərini üzüb Prezident Cənab İlham Əliyev və Azərbaycanın Birinci Vitse-prezidenti Mehriban Əliyevaya müraciət edirlər ki, bu iki şəxs haqqında dərhal tədbir görülsün və Azərbaycanın gələcəyi üçün, sağlam cəmiyyət üçün düzgün addımlar atılsın.
Tehsilmedia.az
