Bakı Dövlət Universitetinin rektoru Elçin Babayevin rektorluq fəaliyyətinindən 6 ildən çox keçib. Azərbaycan cəmiyyətində belə bir deyim: Vəzifəyə yeni gələn gedənin atasına rəhmət oxutdurur. Abel Məhərrəmovdan sonra rektor vəzifəsinə gətirilən Elçin Babayevdən böyük gözləntilər vardı. Düşünürdük ki, universitetdə rüşvət halları yığışdırılacaq. Deyir, sən gözləməyində ol, gör hələ nələr qarşına çıxacaq. Elə də oldu. Elçin Babayev və komandası Azərbaycanın 1 nömrəli universitetini ağlar günə qoydu. Elçin Babayevin Universitetə gətirə biləcəyi yeganə “yenilik” yalnız və yalnız Elmin İnkişafı Fonduna rəhbərlik etdiyi dövrdə yaxşıca mənimsəmiş olduğu saxta yollarla daha çox qazanc əldə etməyin yeni üsulları ola bilərdi ki, onu da artıq tətbiq edib.
Bütün Dünya praktikasında belədir ki, universitetin bufeti tələbələrin ac qalmayacağı, oturub söhbət edə biləcəyi bir məkandır. Normalda BDU-da da elə idi, Elçin Babayev bura rektor gələnədək. Əvvəllər, tələbələr 1-2 manata çaynik ala, ödənişsiz isti su alıb, gətirdiyi nəyisə əlavə edə, çay almısansa, limitsiz sayda konfet və qənd götürüb otura bilərdi. Artıq bütün bufetlər özəlləşdirilib. Və nəticə: konfet və qənd artıq yoxdur, isti su isə verilmir. Çünki hər şey çeklə verilməlidir və isti suyun qiyməti yoxdur. Bunun səbəbini soruşan bir tələbəyə deyilib ki, əvvəl 2 manat verib çay alıb 3 saat otururdu hamı… Anlaşılan deyil. Məgər BDU-nun bufeti gəlir götürməyi planlayır? Tələbə öz universitetinin bufetində oturub söhbət etmək üçün stola kabab gətirməlidir?
Bakı Dövlət Universitetinin tələbəsi bu ali məktəbdə satılan yeməklərin keyfiyyətindən və qiymətindən şikayət edir. Hər il qiymətlərdə müəyyən qədər artımlar olur,amma keyfiyyət sıfırdır. Cumhuriyyet.az olaraq sizə təqdim etdiyimiz videoda tələbə bildirir ki, dürümün içinin 60-70 faizi kahıdan ibarətdir: “Təkcə bu deyil bunun kimi bir sıra yeməklərin, üstəlik bəziləri də köhnə satılır. Biz tələbəyik və bu məbləğlər bizim üçün böyükdür, qiyməti artırırlarsa, heç olmazsa,insaflarını da artırsınlar. Xahiş olunur bu haqda tədbir görülsün”.
Rektor Elçin Babayevin idarəçililiyi altında BDU-da daha bir “kəşfə” imza atılıb. Belə ki, Universitetdə lift qrafikinə məhdudiyyət qoyulub. BDU-nun magistri olan tələbələrin cumhuriyyet.az-a bildirdiyinə görə, axşam saat 6-dan sonra liftlər işləmir və onlar dərsin sonunda 9-cu mərtəbədən ayaqla düşməyə məcbur olurlar. Bununla bağlı dəfələrlə məsələ qaldırılsa da tələbələrə “axşam növbəsində lift nəzarətçisi şatatı yoxdur” cavabı verilib.
