SOCAR-ın investisiya departamentinin sabiq rəisi, həbsdə olan biznesmen Adnan Əhmədzadənin işi onun yaxın adamının media karyerasını bitirmək üzrədir. Bununla bağlı cumhuriyyet.az-a daxil olan məlumata görə, Əhmədzadənin media işlərini kurasiya etmiş Global Media Group rəhbəri Elnur Abdullayevin “qələmi qırılıb”. Gələn informasiyalarda deyilir ki, Adnan Əhmədzadənin həbsindən sonra Elnur Abdullayev media kuratorluğundan məhrum edilir. Eyni zamanda, Əhmədzadəyə bağlı Baku TV-nin, eləcə də digər media resurslarının rəhbərliyində dəyişikliklər gözlənilir. Hakimiyyət mediaya nəzarət prosesini təmərküzləşdirir və çoxqütblü nəzarət siyasətinə son qoyur. Çünki son illərdə bu yanaşmanın tətbiqi özünü doğrultmayıb. Nəticədə ayrı-ayrı qrupların himayəsi altında fəaliyyət göstərmək hakimiyyətə mediaya kontrolda çətinlik yaradıb. Ona görə də ən yaxşısı bir əldən idarəetmə mexanizmidir. Bu səbəbdən, Əhmədzadə – Abdullayev tandeminin himayəsi altında olan media qrup tamamilə əl dəyişir. Bu da Elnur Abdullayev dönəminin başa çatması deməkdir. Bunun ardınca onun Əhmədzadə ilə birlikdə fəaliyyəti, həmçinin mediaya ayrılan maliyyənin mənimsənilməsi şübhələri araşdırıla bilər.
Baş verənlərlə bağlı jurnalist Samir Feyruzovun müəllifliyi ilə mediaxeberleri.az-ın məlumatı da diqqət çəkir. Cumhuriyyet.az olaraq həmin yazını redaktə ilə diqqətinizə çatdlrırıq:”2019-cu ildə Adnan Əhmədzadənin maliyyəsi hesabına ölkədəki bir neçə xəbər saytı 51%-i “Qlobal Media Holdinq”ə, 49%-i isə əvvəlki sahibində qalmaqla alınmışdı. Həmin xəbər portalları hər ay holdinqdən təxminən 10-15 min manat maliyyə dəstəyi alır. A.Əhmədzadənin həbsindən sonra bu saytların bəzilərinin baş redaktorları onun və yaxın qohumlarının əleyhinə kampaniyalar aparmağa başlayıb. Çünki aylıq pulları kəsilib, yenidən pul tələb edirlər.
İndi məlum olur ki, bunları “cəsarətli” edən başqa səbəbdir. Belə ki, vaxtilə 200-250 min manat dəyərində alınmış həmin saytların bəziləri yenidən əvvəlki sahiblərinə qaytarılıb. Üstəlik, ödənilən məbləğ də geri alınmayıb. Nəticədə həm “layihə”yə yatırılan pullar, həm də A.Əhmədzadənin mənimsədiyi dövlət vəsaitləri faktiki olaraq batıb.
Həmin baş redaktorlar Türkiyəyə səfərləri zamanı “Qlobal Media Holdinq”in rəhbəri Elnur Abdullayevin qapısından əl çəkmirdilər. A.Əhmədzadənin həbsi bu əlaqələrin tonunu tam dəyişdi. Elnur Abdullayevin vəziyyəti xeyli çətinləşib, onun barəsində araşdırmalar aparılır, lakin səhhətinə görə hələki həbs edilməyib. Türkiyə xətti ilə özlərini kamuflyaj edən bu şəxslərin Moskva da daxil olmaqla, dünyanın müxtəlif şəhərlərində saysız-hesabsız mülklərinin və bizneslərinin olduğu bildirilir. Məlumata görə artıq “Qlobal Media Holdinq”ə daxil olan “Baku TV”-nin bəzi şöbələri bağlanıb və kanalın işçilərinin sayının isə ən azı iki dəfə azaldılacağı gözlənilir. Qısası, hamı eyni səhvi təkrarlayır, əslində Əhmədzadə də, Abdullayev də bu adamlara səlahiyyət və külli miqdarda maliyyə verməklə, belə bir sonluqla üz-üzə qalacaqlarını güman etməli idilər”.
Baş verənlərə əlavə olaraq cumhuriyyet.az olaraq bildirək ki, Azərbaycanda Fətullah Gülən və onun yaratmış olduğu təriqətə sitayiş edənlər dövlətin müxtəlif orqanlarından sökülüb atılsalar da, bu şəbəkənin imamları, təriqətin biznes qolunda yer alan biznesmenlər FETO-ya olan bağlılıqlarından MASKALANARAQ Pensilvaniyadan gələn əmr üzrə yeraltı hücrələrə çəkildilər. Deyəsən çaylar-sellər axdı və FETO Azərbaycanda yenidən XORTLAMAĞA çalışır. Son günlər bu şəbəkənin nəzarətində olan media orqanlarının sayı da artmaqdadır. İddalara görə, FETO-nun DEŞİFRƏ olunan imamı Elnur Aslanov Azərbaycan Respublikası Rabitə və Yüksək Texnologiyalar Nazirliyinin Elektron İdarəçiliyin İnkişafı şöbəsinin müdiri vəzifəsindən də uzaqlaşdırıldıqdan sonra, şəbəkə Azərbaycandakı qüvvələri içərisindən yeni İMAMI seçməli oldu.
Bu imam isə Elnur Abdullayevdir. Bu iddalara görə, Elnur Abdullayev bu gün onlarla internet media orqanına nəzarət edir və onlara qeyri-rəsmi maliyyə dəstəyi verməkdədir. Bundan başqa bu şəxsin FETO-ya bağlılığı birmənalıdır. Elnur Abdullayev bu gün hansısa vəzifə tutmasa belə, əvvəllər də bu şəxs nəzarətindəki media ilə Ziya Məmmədovun xidmətində idi və FETO mənsubu olduğunu bu yolla pərdələmişdi. Ortaya çıxan mənzərə ondan ibarətdir ki, Ziya Məmmədovun “vurulması”ndan sonra tutduğu vəzifədən uzaqlaşdırılan Elnur Abdullayev sabiq İMAM Elnur Aslanov kimi qınına çəkilib təyziqləri özündən uzaqlaşdırmır, əksinə, dirəniş göstərməkdə, bunu virtual mediada yeni saytlar və internet Tv-lər yaradaraq nümayiş etdirməkdədir.
Bundan başqa FETO İMAMI-nın təkcə Azərbaycanda deyil, ölkəndən kənarda da media ilə bağlı planlar qurduğu qeyd edilməkdədir. Hələlik Elnur Abdullayevin media projeləri çox gözəl kanfulə olunaraq çalışmaqdadır. Deməli, FETO Azərbaycanda təkcə XORTLAMAQLA kifayətlənməyib, həm də onlar dirənişə belə, start veriblər.
