İspaniyanın “Barselona”, “Real” və “Vilyarreal” klubları “Rasinq” (Santander) komandasında çıxış edən Serxio Martineslə maraqlanır.
Cumhuriyyet.az xəbər verir ki, bu barədə AS nəşri məlumat yayıb.
Madrid və Kataloniya nəhəngi artıq qışdan gənc yarımmüdafiəçini izləyir. Lakin futbolçu həmin vaxt komandasından ayrılmaq istəməyib.
Onun klubla müqaviləsinin müddəti 2029-cu ilin yayınadək qüvvədədir. Sözləşmədə üç milyon avro müqabilində sərbəst qalma bəndi də var.
