Separatçı rejimin əli qana batmış liderlərini yox, digərlərini azad etmək olar. Amma Ermənistanın COP29-a qatılması naminə yox, sülh prosesinə töhfə vermək üçün.
Cumhuriyyet.az xəbər verir ki, bu sözləri ƏHD Partiyasının sədri, millət vəkili Qüdrət Həsənquliyev Ermənistanın Bakıda keçiriləcək COP29 tədbirində iştirakına cavab olaraq Azərbaycanda həbsdə olan erməni cinayətkarların bəzilərinin əfv edilərək, geri verilməsinin mümkün olub-olmadığı barədə sualı cavablandırarkın deyib.
“Ona görə bu kimi məsələlərdə danışıqları aparan prezidentə güvənmək lazımdır. O, bu qənaətə gələcəksə ki, kimlərisə azad etmək lazımdır, deməli, ölkəmizin maraqları bunu tələb edir və biz də onun qəbul etdiyi qərarları dəstəkləməliyik”, – o bildirib.
