Azərbaycan Xarici İşlər Nazirliyi ABŞ-a başsağlığı verib.
Cumhuriyyet.az xəbər verir ki, bu barədə XİN-in X hesabında bildirilib.
“Vaşinqtonda sərnişin təyyarəsi ilə helikopterin havada faciəvi toqquşması bizi dərindən kədərləndirdi. Yaxınlarını itirənlərin ailələrinə dərin hüznlə başsağlığı verir və sağ qalanların can sağlığı üçün dua edirik”, – qeyd olunub.
Qeyd edək ki, Vaşinqtonun Reyqan Milli Hava Limanı yaxınlığında sərnişin təyyarəsi “Blackhawk” helikopteri ilə toqquşaraq Potomak çayına düşüb. Təyyarədə 4 ekipaj üzvü olmaqla 60 sərnişin, helikopterdə isə 3 ABŞ əsgəri olub. Artıq 19 nəfərin cəsədi Potomak çayından çıxarılıb.
