Şirinova Nəzakət İbrahim qızl oğlunun həbsi ilə bağlı dövlət başçısına müraciət ünvanlayıb. Müraciətdə deyilir:
“Cənab Prezident!
Sizə-Azərbaycan xalqına ən böyük qələbələri yaşadan Liderə bir Ana kimi müraciət edirəm.
Oğlum Şirinov Elvin Valeh oğlu 2022-2023 cü illər də fiziki şəxs olaraq Azərbaycan Respublikasından kənd təsərrüfatı məhsullarını Rusiya, Ukrayna, Qazaxıstan, Belarusiya, İran, İraq, Polşa ölkələrinə və Dubay şəhərinə ixrac edib. İxrac zamanı bütün gömrük rüsumları iqtisadi və labaratoriya ödənişləri ödənilib. Azərbaycan Respublikasının ərazisində hər mövsümdə yetişdirilən kənd təsərrüfatı məhsulları, o cümlədən pomidor, xiyar, nar, xurma, alma, armud və arpa ixrac edilərək, dövlət vergisi də ödənilib.
Bütün fəaliyyətini qanunvericilik əsasında görməsinə baxmayaraq 2023-cü ilin dekabrında oğlumun müəsisəsinin fəaliyyəti ilə bağlı cinayət işi qaldırılıb. Dekabrın 25-də oğlum Şirinov Elvin və onunla birgə çalışan Hidayətov Zöhrab Dövlət Təhlükəsizlik Xidməti tərəfindən həbs olunub və onlar haqqında Cinayət Məsəlləsinin 192. 3.2 və (Xüsulilə külli miqdarda gəlir əldə etməklə törədildikdə) 206.3.2 (Qabaqcadan bir qrup şəxslə əlbir olaraq törədildikdə) maddəsi ilə istintaqa başlanılır. Halbu ki göstərdiyi fəaliyyət boyunca nə gömrük, vergi və nə də digər orqanlar şikayətçi olmayıblar.
Bir ana kimi oğlumun dövlətə heç bir ziyan vurmadığına əminəm. Gömrük və vergi sənədlərinin qaydasında olması haqda faktlar var. Oğlum 2022-23-cü illər fəaliyyəti dövründə kənd təsərrüfatı məhsullarının ixracı ilə məşğul olub. Əgər o gömrük orqanlarını aldatsaydı, bu qədər məhsulu ixrac edə bilərdimi? Fəaliyyəti dövründə oğlum gömrük, vergi, iqtisadiyyat nazirliyi və qida təhlükəsizliyi agentliyi daxil olmaqla dövlət büdcəsinə 7 milyon manatdan çox ödəniş edib. Bu gün belə bütun kənd təsərrüfatı məhsullarının ixracı oğlumun göstərdiyi qaydada fəaliyyətini davam etdirir.
Cənab Prezident!
Bütün bu haqsızlığa dözməyən oğlum bir dəfə DTX təcridxanasında özünü asaraq, bir dəfə isə 2 nömrəli Kürdəxanı təcridxanasında damarlarını kəsərək intihara cəhd edib. Hazırda oğlumun haqqında qaldırılan cinayət işinin məhkəmə istintaqı aparılır. Oğlumun həyatı haqsızlıq qarşısında təhlükə altındadır. Sizdən bir Ana kimi bu işin obyektiv araşdırılması üçün lazımi tədbirlər görmənizi xahiş edirəm.”
