Nurlan Həsənova aid olan “Dostluq V” şirkətinin binasında biabırçılıq
Sözügedən siyahını Demokrat.az dərc edəndən sonra həmin sayta Nərimanov rayon sakinlərindən müraciətlər daxil olur. Həmin müraciətlərdən birində iddia olunur ki, Əli Həsənov və Nurlan Həsənova aid olan “Dostluq V” şirkətinin Nərimanov rayonunda inşa etdirdiyi hündürmərtəbəli yaşayış binasının ərazisi əxlaqsızlıq yuvasına çevrilib. Şikayətdə sözügedən binaya komendat təyin olunmuş Əli Həsənovun Şərurdan olan İlkin adlı həmyerlisinin binanın mühafizə otağında əxlaqsızlıq yuvası yaratdığı iddia olunur.
Müraciətdə deyilir: “Bu binada mənzillərin satış qiyməti həddindən artıq bahadır. Güya adını premium qoyublar, amma hər şey bərbaddır. Sadəcə reklamı yaxşıdır və mənzil bazarında yaxşı bina kimi tanıdılıb. Biz də elə reklama aldanıb burdan ev almışıq. Amma məsələ təkcə bundan bitmir. Yüksək qiymətə aldığımız ev üçün hər ay yüksək məbləğdə “kommunal haqqı” pulu yığılır. Əli Həsənovun zamanından belədir. İndi də Nurlan Həsənov idarə edir. Binada 1 kvadrat üçün 70 qəpik hesablayırlar. Nə üçün axı? Dəfələrlə özlərinə şikayət etmişik, xeyri yoxdur. İdarəçilik isə çox bərbaddır. Binada iyrənc şeylər olur. Əli Həsənov binaya İlkin adında Şərurdan olan həmyerlisini komendant qoyub. O isə komendant otağını əxlaqsızlıq yuvasına çevirib. Bütün abrımız gedib. Hələ bundan da betəri odur ki,
komendant binada yaşayan boşanmış qadınlara və qızlara qarşı əxlaqsız hərəkətlər edir. Çünki normal olaraq bina sakinlərinin telefonları komendanta verilib. Komendat isə hansı qadını sahibsiz görürsə, onlara əxlaqsız mesajlar yazır. O, bütün günü komendant otağının qabağında gəlib-gedən qadınlara sataşır. Ona görə də binada hər an kriminal hadisə baş verə bilər”.
“Dostluq V” şirkətinin direktor müavini Mahir Cəfərov isə iddiaları təkzib edib: “Bu şirkətin Əli Həsənov və Vəli Həsənovla heç bir əlaqəsi yoxdur. O cür adamları tanımırıq. Binamızda əxlaqsızlıq yuvası məsələsinə gəldikdə isə bildirirəm ki, burda o cür haram işlərdən əsla söhbət gedə bilməz. Biz ömür boyu halal pul qazanmış adamlarıq”.
Nurlan Həsənov – Əli Həsənov işbirliyi
Mediada yayılan məlumata görə, hazırda Britaniyaya sığınan və oradan Azərbaycan hakimiyyətinə qarşı çirkin böhtanlar yağdırmaqdan çəkinməyən Qurban Məmmədov Nərimanov rayonunda o vaxt İcra Hakimiyyətinin işçisi olan Nurlan Həsənovla sövdələşməyə gedərək, saxtakarlıq yolu ilə ona aid olan mənzilin sahəsini sənədlərdə 480 kv metr kimi rəsmiləşdirib.
2011-ci ildə Gilan MMC-yə məxsus olan AzərTrans MMC həmin ərazidən tikinti məqsədilə sakinləri köçürməyə başlayıb. Q.Məmmədov isə saxta yolla 480 kv metr yazdırdığı ərazi müqabilində verilən əmlakla razılaşmayıb. Daha sonra Əli Həsənov o vaxt Nərimanov rayon icra başçısı olan Abdin Fərzəliyevə əmr verib ki, sözügedən məsələni Q.Məmmədovun istəyinə uyğun həll etsin. Abdin Fərzəliyev isə tərəddüd edərək məsələni uzatmağa çalışıb. Sonra işə Ramiz Mehdiyev qarışıb. O, icra başçısına zəng edib və üstünə qışqıraraq Q.Məmmədovun məsələsini dərhal həll etməyi tapşırıb.
Nurlan Həsənovun ilkin 500 000 dollar kapitalı bağlanmış Azərbaycan Universitetinin rektoru Elşad Abdullayevin qardaşı Mahir Abdullayevin qaçırılmasından qazanması haqda istintaqın dəlil əldə etdiyi vurğulanır. Hətta buna görə o, beynəlxalq axtarışa da verilibmiş. Lakin sonralar Nurlan Həsənovla bağlı mətbuatda yazılmış bütün yazılar Əli Həsənov və Eldar Mahmudov tərəfindən sildirilmişdir. O zaman Əli Həsənovun canfəşanlığının səbəbi ictimaiyyətə bəlli olmasa da, Konkret.az yazır ki, illər sonra Nurlan Həsənovla biznes ortağı olması faktı üzə çıxdı. Eldar Mahmudovun öz ailəsinə aid olan 90 AA 009 nömrəli dövlət nömrə nişanını Nurlan Həsənova hədiyyə etdiyi vurğulanır. Nurlan Həsənov isə bu “qardaşlıq” qarşısında borclu qalmamış, əvəzində Eldar Mahmudova Əhməd Rəcəbli küçəsində 40 milyon manat olan bir neçə mülk hədiyyə etmişdi. Ən ciddi ittihamlar 2020-ci illə bağlıdır – Əli Həsənov və Ramiz Mehdiyevin vəzifədən azad edilməsindən az sonra. Həmin il Əli Həsənovla Nurlan Həsənovun eyni vaxtda İstanbula getməsi diqqət çəkmişdi. İşin ən ilginc tərəfi isə Qurban Məmmədovun da eyni vaxtda İstanbula gəlməsi idi. Açıq mənbələrdə yayılan məlumatda iddia edilir ki, Nurlan Həsənovun sadəcə Qurban Məmmədovu maliyyələşdirdiyi bildirilsə də, sonradan onun bir çox başqa söyüş müxalifətçilərini maliyyələşdirdiyi şübhəsi yaranıb. İstintaqa cəlb edilən Nurlan Həsənovun istintaqa bəzi sirləri hələ o vaxt verdiyi də açıq mənbələrdə yazılır.
Əli Həsənovun Nurlan Həsənovla birgə mənimsədiyi və yuxarıda qeyd edilən əmlakların dəyəri 2 milyard manat olaraq qiymətləndirilir. Bu qədər böyük sərvətləri ələ keçirən şəxslərin hakimiyyət eşqinə düşməsi mümkündür.
Nərimanovdakı məşhur “Park Fore” restoranına kimlər toplaşır?
Bu arada Demokrat.az xəbər portalı paytaxtın Atatürk parkında yerləşən və Abşeron Rayon İcra Hakimiyyətinin Ərazi İdarəetmə və yerli özünüidarəetmə orqanları ilə iş şöbəsinin baş məsləhətçisi vəzifəsində çalışan Nurlan Həsənova məxsus “Park Fore” restoranının fotolarını təqdim edib. Abşeron RİH-in başçısı Abidin Fərzəliyevin əsas adamı hesab olunan Nurlan Həsənov bizneslə məşğul olduğunu inkar etsə də, faktlar bunun tam əksini sübut edir. Belə ki, çoxsaylı və müxtəlif sahələr üzrə biznes infrastrukturuna sahib olan Nurlan Həsənova məxsus olan “Park Fore” restoranı da məhz onun qardaşı Rəşad Həsənov tərəfindən idarə olunur.
Halbuki, Azərbaycan qanunvericiliyində vəzifəli şəxslərin bizneslə məşğul olması qadağan olunub. “Dövlət qulluğu haqqında” Qanunun tələbi ilə dövlət qulluqçularının fəaliyyətinə bir sıra məhdudiyyətlər qoyulur. Dövlət qulluqçusu öz xidməti vəzifələrini yerinə yetirdiyi müddətdə sahibkarlıq fəaliyyəti ilə məşğul ola, kommersiya təşkilatının idarə və ya nəzarət orqanlarının tərkibinə daxil ola bilməz. Qeyd edək ki, “Park Fore” restoranı həm də müxalifətçilərin görüş yeri kimi məşhurdur. Belə ki, Pənah Hüseyn, İsa Qəmbər, Seymur Həzi, Tural Abbaslı, Arzu Səmədbəyli və digər müxalifət funksionerlər görüşlərini əsasən bu restoranda keçirirlər(Demokrat.az).
