Tofiq Abbasov: “Ölkəmizdə düşmən dəyirmanına su tökməyə çalışanlar var”
Məlum olduğu kimi, Dövlət Təhlükəsizliyi Xidməti (DTX) oktyabrın 10-da Abşeron rayonu Masazır qəsəbəsində avtomobilləri yandıran daha bir şəxsi saxlayıb. Bununla da sözügedən cinayətin bütün iştirakçılarının tutulması təmin edilib.
Mövzu ilə bağlı Moderator.az -açıqlama verən politoloq Tofiq Abbasov ölkəmizdəki sabitlik və əmin-amanlığın qorunması üçün bu cür təxribatların qarşısının qətiyyətlə alınmasının vacibliyini vurğulayıb, DTX-nın peşəkarlığnı təqdir edib:
“Cəmiyyət müxtəlif təbəqələrdən ibarətdir. Marginallar hər yerdə var. Onlar özlərini normal şəkildə ifadə etməkdə hər zaman acizdirlər. Onlar hər zaman düşmənin fitvasına gedir, onun təxribatlarına alət olurlar.
Azərbaycanda vətəndaşlarımızın normal həyatını pozmağa çalışan kənar təsirlər mövcuddur. Həmin qüvvələr daxildə təfriqə salmaq, süni şəkildə gərginik yaratmaq istəyirlər. Halbuki, ölkəmizin daxilində, cəmiyyət hyatında elə bir problemli vəziyyət yoxdur. Kimlər ki, ölkəmizdəki daxili vəziyyəti süni şəkildə gərginləşdirməyə, düşmən dəyirmanına su tökməyə çalışırlar, onları vaxtında müəyyən etmək, məsuliyyətə cəlb etmək vacibdir.
Bəzi hallarda kütlə təfəkkürü müəyyən insanlarda məntiqə üstün gəlir. İnsanlar kələfin ucunu itirir, hər şeyi yandırb-dağıtmağa çalışırlar. Biz bunu müxtəlif dövlətlərin timsalında görmüşük. Bu olmasın deyə, bütün problemlərin qrşısını rüşeym halında almaq, qanunu pozanları müəyyən edərək onları cəzalandırmaq mütləq şəkildə lazımdır. Bu baxımdan DTX-nın atdığı adımmlar doğru və təqdirəlayiqdir”.
Seymur ƏLİYEV
