Masallı Rayon İcra Hakimiyyətinin başçısı ArazƏhmədov, sosial mediada barəsində artan qalmaqallarla gündəmdə olan Kolatanbələdiyyə sədri Rauf Cəbiyevə açıq dəstək nümayiş etdirib. Bununla bağlı cumhuriyyet.az jurnalist Cəfər Cəfərovun facebook paylaşımına istinadən bildirir ki, icra başçısı səfəri zamanı səsləndirdiyi “Olan şeylərdir də… həyatda biri ara qarışdıracaq, biri mane olacaq…” ifadəsi ilə faktiki olaraq Rauf Cəbiyevin yanında olduğunu göstərib.
Bu “ara qarışdıran” ifadəsi kimə ünvanlanıb?
İcra başçısı bu sözlərlə ya bələdiyyə sədrinin fəaliyyətinə etiraz edən kənd sakinlərini, ya da məsələni ictimailəşdirən məni və jurnalist həmkarlarımı nəzərdə tutub.
20 noyabrda Masallı Rayon Məhkəməsində, hakim Zeynal Zeynalovun icraatında Rauf Cəbiyevin mənə qarşı xüsusi ittiham qaydasında verdiyi şikayətə baxılacaq. Böyük ehtimalla sifarişli şikayət təmin ediləcək.
Aydın olan budur: #RaufCəbiyev bu şikayəti öz iradəsi ilə etməyib.
Əgər o, təhqirə görə kimisə məhkəməyə vermək fikrində olsaydı, vaxtilə başına “prezervativ” keçirildiyi, yaxasına “aftafa medal” asıldığı şəkildə yayılan təhqirlərə, eləcə də ailə üzvlərinin alçaldılması hallarına susmazdı.
Hamıya məlumdur ki, İcra Hakimiyyətinin razılığı olmadan nəinki bələdiyyə sədri, hətta bələdiyyə üzvü belə seçilə bilməz.
Hətta bələdiyyələrin qeyri-rəsmi şəkildə İcra Hakimiyyəti tərəfindən idarə olunması artıq heç kimə sirr deyil.
Elə Rauf Cəbiyevin mənim barəmdə verdiyi şikayətin də İcra Hakimiyyətinin icazəsi olmadan edilməsi mümkün deyil.
Digər tərəfdən, mən Masallı Prokurorluğu və Masallı Rayon Polis Şöbəsinin dələduzluq faktı üzrə fəaliyyət göstərməməsi ilə bağlı rəsmi şəkildə yuxarı instansiyalara müraciətlər etmiş, məsələni ictimailəşdirmişdim.
Görünür, bu qurumları narazı salmışam və onlara məndən “şikayətçi olacaq” bir kukla fiqur lazım idi.
Onu da tapıblar — Rauf Cəbiyev.
