Vəhdət Partiyasının sədri Adəm İsmayıl Bakuvi Prezident İlham Əliyevin Euronews-a verdiyi müsahibəni Azərbaycanın beynəlxalq nüfuzunun və strateji gücünün növbəti təsdiqi kimi qiymətləndirib.
Cənab Prezidentin səsləndirdiyi fikirlər emosional bəyanatlar deyil, tarixi faktlara, beynəlxalq hüquqa və geosiyasi reallıqlara əsaslanan rasional dövlət mövqeyidir.
“Prezident İlham Əliyev bir daha göstərdi ki, Azərbaycan artıq regionda hadisələri izləyən tərəf deyil. Azərbaycan bu gün siyasi, iqtisadi və geostrateji proseslərin istiqamətini müəyyən edən əsas dövlətlərdən biridir. Cənab Prezidentin Euronews-a verdiyi mesajlar yalnız region üçün deyil, beynəlxalq siyasi dairələr üçün də ciddi strateji mesajdır.”
Partiya sədri vurğulayıb ki, Qarabağ və Şərqi Zəngəzurda həyata keçirilən “ağıllı şəhər” və yaşıl enerji layihələri Azərbaycanın yeni inkişaf modelinin dünyaya təqdimatıdır.
“Bu gün Azərbaycan postmünaqişə dövründə dünyaya yeni idarəçilik modeli təqdim edir. Prezident İlham Əliyevin rəhbərliyi ilə həyata keçirilən quruculuq siyasəti artıq beynəlxalq platformalarda öyrənilən və nümunə göstərilən inkişaf konsepsiyasına çevrilib.”
Adəm İsmayıl Bakuvi əlavə edib ki, Prezident İlham Əliyevin beynəlxalq mediaya verdiyi hər müsahibə Azərbaycanın siyasi mövqeyini daha da gücləndirir və ölkənin qlobal nüfuzunu artırır.
