Təhsildə Keyfiyyət Təminatı Agentliyinin fəaliyyəti ilə bağlı redaksiyamıza şikayət məktubu daxil olub. Məktub müəllifi özü və bir çox xaricdə təhsil alan tələbələrin qarşılaşdığı ciddi bir problemi diqqətə çatdırır. Həmin şikayəti olduğu kimi diqqətinizə çatdırıqıq: “2025-ci il üçün Təhsildə Keyfiyyət Təminatı Agentliyinin qərarına əsasən, xarici universitetlərdən Azərbaycana köçürülmək istəyən tələbələr 30 iyun tarixinə qədər imtahan nəticələrini təqdim etməlidirlər. Lakin, bu qərar 2024-cü il ilə müqayisədə ciddi fərqlilik göstərir, çünki 2024-cü il üçün sənəd qəbulu 1 avqust tarixinə qədər davam edirdi. Anidən qəbul tarixinin 30 gün qabağa çəkilməsi və bu dəyişikliklərin səbəbləri barədə hər hansı bir izah verilməməsi, tələbələr və onların ailələri arasında narazılığa səbəb olub.
Qeyd etmək istəyirəm ki, 30 iyun tarixinə qədər Təhsildə Keyfiyyət Təminatı Agentliyindən qismən tanınma şəhadətnaməsi alınmadığı təqdirdə, tələbələr Azərbaycana köçürülmə sisteminə müraciət etmək hüququndan məhrum qalır. Bu isə bir çox tələbənin təhsil hüquqlarına ciddi şəkildə zərər verir. Məsələn, mənim övladım İzmir şəhərində təhsil alır və onun imtahan nəticələri yalnız 10 iyul tarixində açıqlanacaq. Bu vəziyyət onu, vaxtında sənəd təqdim etməkdə TKtA müraciət edərkən isə, tələbələrə “get, universitetə bildir ki, nəticəni tez versinlər” kimi qeyri-ciddi və təhqiramiz cavablar verilir. Bu yanaşma, tələbələrin və onların ailələrinin haqlı narahatlıqlarını heç bir şəkildə həll etmir və onlara qarşı hörmətsizlik nümayiş etdirir.
Bu qərarın tələbələrin təhsil hüquqlarına ciddi zərər verdiyini düşünürəm. Belə ki, Təhsildə Keyfiyyət Təminatı Agentliyinin bu qərarının dəyişdirilməsi və ya təqdimetmə tarixinin uzadılması tələb olunur ki, bütün tələbələr bərabər imkanlardan istifadə edə bilsinlər. Bu, təhsil sistemimizin daha ədalətli və şəffaf olmasına kömək edəcəkdir”.
