Gürcüstanın şərqində qəzaya uğrayan Türkiyə Silahlı Qüvvələrinə məxsus C-130 tipli hərbi yük təyyarəsi ilə bağlı ilk rəsmi məlumat açıqlanıb.
Gürcüstan Daxili İşlər Nazirliyi bildirib ki, aparılmış ilkin araşdırmalar nəticəsində təyyarədə partlayış və ya xarici təsir izinə rast gəlinməyib.
Məlumatlara görə, qəzanın texniki səbəbdən qaynaqlanmış ola biləcəyi ehtimal edilir.
Mütəxəssislərin fikrincə, əgər təyyarə raketlə vurulsaydı və ya içəridə partlayış baş versəydi, bu cür izlər aydın şəkildə görünərdi.
Araşdırmanı aparan mütəxəssislər iki əsas versiyanı önə çıxarır:
– Uzunmüddətli korroziya – Təyyarənin metal gövdəsinin zəifləməsi nəticəsində təzyiq fərqinə qarşı dayanıqlığın azalması.
– Yük balansı problemi – Karqo bölməsində yüklərin tam sabitlənməməsi səbəbindən uçuş zamanı tarazlığın pozulması.
