Bakı Apellyasiya Məhkəməsinin sədri Mübariz Əkbərovun səlahiyyət müddəti başa çatıb.
“Qafqazinfo” xəbər verir ki, yuxarı instansiyaya sədrinin təyin edilməsi ilə bağlı məsələyə yaxın günlərdə müvafiq qaydada baxılacağı və Prezidentə təqdim olunacağı gözlənilir.
Qanunvericiliyə əsasən, Azərbaycanda məhkəmə sədrləri 5 il müddətinə təyin olunur. Bu müddət başa çatdıqdan sonra əvvəlki sədrin yenidən təyin edilməsi və ya başqa namizədin irəli sürülməsi mümkündür.
Qeyd edək ki, M.Əkbərov 2021-ci il mayın 24-də Prezidentin Sərəncamı ilə Bakı Apellyasiya Məhkəməsinin sədri təyin edilib.
