DİN-in Baş Dövlət Yol Polisi İdarəsi səfərə çıxan sürücülərə müraciət edib.
İdarədən Cumhuriyyet.az-a verilən məlumata görə, müraciətdə səfərə çıxan sürücülərə yol bərəkəti təhlükəsizliyinə, qaydalara riayət etmək tövsiyə olunur.
DYP-nin tövsiyələri:
1. Yol şəraitinə uyğun sürət seçin – havanın və yolun vəziyyətindən asılı olaraq sürət həddinə riayət edin. Hətta normalda təhlükəsiz olan sürət, əlverişsiz hava şəraitində və ya intensivlik çox olan yolda riskli ola bilər.
Telefon istifadəsi
2. Yolda diqqətli olun – səfər zamanı diqqətinizi cəmləyin və hər zaman ehtiyatlı sürüş edin. Telefon istifadəsi, yorğunluq və ya digər səbəblər diqqəti yayındırır və qəza riskini artırır.
3. Təhlükəsizlik kəmərlərini bağlayın – hər bir sərnişin üçün təhlükəsizlik kəmərinin bağlanması vacibdir. Bu, həm sürücünün, həm də sərnişinlərin həyatını qorumağa kömək edir.
Avtomobilin texniki vəziyyəti
4. Avtomobilinizin texniki vəziyyətini yoxlayın – yola çıxmazdan əvvəl avtomobilinizin texniki vəziyyətini, xüsusilə əyləc sistemləri, işıqlandırma və təkərlərin vəziyyətini yoxlayın.
5. Yol polisinin tövsiyələrinə əməl edin – yolda hər hansı bir hərəkət məhdudiyyətləri və ya yol vəziyyəti ilə bağlı məlumat aldıqda, dərhal lazımi tədbirləri görərək yol polisi əməkdaşlarının göstərişlərinə riayət edin. Səfərinizin təhlükəsiz və rahat keçməsi üçün diqqətli və məsuliyyətli olun.
