Bir neçə gündür ki, ölkə paytaxtdakı qanunsuz tikililərə qarşı mübarizə çərçivəsində Prezident Administrasiyasının birbaşa nəzarəti altında təftiş prosesi həyata keçirilir. Təftiş zamanı təhlükəli ərazilərdə qanunsuz olaraq inşa edilən tikililər müəyyən edilərək onların söklüləsi həyata keçirilir. Bununla bağlı cumhuriyyet.az-a daxil olan məlumata görə, prosesinin başlaması ilə bir sıra icra başçıları bərk qorxuya düşüb ki, bunlardan biri Səbail rayon İcra Hakimiyyətinin başçısı Vüqar Zeynalovdur. Şəxsi ambisiyaları səbəbilə Səbail ərazisində çoxsaylı qanunsuz tikililərin inşasına göz yuman Vüqar Zeynalov Badamdar ərazisini məmur şəhərciyinə çevirib. Badamdar bələdiyyəsinin sədri Təzəxan Məmmədovla birlikdə Badamdarda yüzlərlə qanunsuz villa inşasını təmin edən Vüqar Zeynalov, yetkililərin ərazidə keçirəcəyi baxış nəticəsində bütün bu qanunsuzluqların üzə çıxacağından ehtiyat edir. Buna görə də icra başçısı və bələdiyyə sədri təftiş qrupunu Səbail ərazisində özlərinə sərf edən marşurut üzrə gəzdiməyi planlaşdırır. Əsas məqsədlərdən biri Administrasiya yetkililərinin Badamdar ərazisinə girişinə imkan verməməkdir.
Mənbənin cumhuriyyet.az-a verdiyi məlumata görə, Səbail rayon icra hakimiyyətinin başçısı Vüqar Zeynalovun tapşırığı ilə Badamdar bələdiyyəsainin sədri Təzəxan Məmmədov Badamdar ərazisində səngərlər qazmaqda, qəsəbənin dərinliklərinə aparan yolları məqsədli şəkildə yararsız hala salmaqdadır. Məqsəd qanunsuz tikililərlə bağlı Prezident Administrasiyası tərəfindən aparılan yoxlama prosesinə süni maneə yaratmaq, təftiş komissiyasının qanunsuz viallaların inşa edildiyi ərazilərə baxış keçirməsinin qarşısını almaqdır. İcra başçısı və bələdiyyə sədri yolları bərbad hala salmaqla komissiyanın həmin yollardan keçməsini əngəlləməyə, guya bu yollardan o tərəfə olan ərazilərdə nəinki heç bir tikintinin aparılmadığını, bu ərazilərə gediş-gəlişin belə mümkünsüz olduğu təəssüratını yaratmağa çalışır.
Qeyd edək ki, Badamdarda son 2-3 ildə yüzlərlə villa inşa edilib ki, onların da böyk əksəriyyəti sürüşmə və uçqun zonasında yerləşir. Bu villalarıln hər birinin inşası üçün icra başçısı Vüqar Zeynalov bələdiyyə sədri Təzəxan Məmmədovun vasitəçiliyi ilə ərazidə tikinti aparmaq istəyən şəxslərin hər birindən külli miqdarda “şirinlik” alıb. Bu gün isə həmin villaların hər biri icra başçısı və bələdiyyə sədri üçün ciddi problemə çevrilib. Badamdardakı qanunsuz villaların üzə çıxacağı təqdirdə sadəcə işdən qovulmayacaqlarını, həm də məsuliyyətə cəlb ediləcəklərini yaxşı bilən Vüqar Zeynalov-Təzəxan Məmmədov cütlüyü nə yolla olursa-olsun yoxlama prosesinə mane olmaq niyyətindədir.
Aydındır ki, əgər Prezident Administrasiyası bu şəxslərin onların fəaliyyətinə mane olmaq üçün hansı fırıldaqlara əl atdıqlarını bilərsə, bunun icra başçısı və bələdiyyə sədri üçün nəticəsi heç də yaxşı olmayacaq. Ancaq görünür bu gün nə Vüqar Zeynaliv, nə də Təzəxan Məmmədov buna zərrə qədər də olsun əhəmiyyət vermir. Əks təqdirdə, öz qanunsuzlqualrını gizlətmək üçn yeni qanunsuzluqlara imza atmazdılar.
Vüqar Zeynalov və Təzəxan Məmmədov təftiş bumundan salamat çıxmaq üçün hansı addımlar atması, kimlərə zəng etməsi, icra başçısının təftişlə bağlı “B” variantı haqda da maraqlı məlumatlar var. Bu və Vüqar Zeynalovun Təzəxan Məmmədovu hansı halda qurban verəcəyi haqda növbəti yazımızda.
