Bu gün Ağstafa şəhər Heydər Əliyev Mərkəzində Azərbaycan Gəncləri Günü münasibətilə Azərbaycan Gənclərinin XI Forumu çərçivəsində Zona Forumu keçirilib.
Gənclik millətin gələcəyinin, inkişafının təməl daşıdır. Millətin mövcudluğu üçün sağlam gənclik vacib şərtdir. Hər bir ölkədə dövlətçiliyin, müstəqilliyin daha da möhkəmləndirilməsi, gələcəyin etibarlı təminatı intellektual səviyyəli potensial kadrların hazırlığından, onların aparıcı qüvvəyə çevrilməsindən çox asılıdır.
Cumhuriyyet.az Mediaxeberleri.Az-a istinadən xəbər verir ki, forumda əvvəlcə Ümummilli Lider Heydər Əliyevin abidəsi ziyarət olunub. 
Heydər Əliyev Mərkəzində gənclər forumuna həsr olunan sərgiyə baxış keçirilib, Ümummilli Lider Heydər Əliyevin və Azərbaycanın ərazi bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib. 
Azərbaycan Respublikasının Dövlət Himni səsləndirilib.
Forumda Milli Məclisin deputatı Ülviyyə Ağayeva, Ağstafa Rayon İcra Hakimiyyətinin başçısı Seymur Orucov, Qazax-Tovuz Regional Gənclər və İdman idarəsinin rəisi Əziz Məsmalıyev, Gənclər və İdman Nazirliyinin Gənclərlə İş Şöbəsinin baş məsləhətçisi Mahmud Məmmədzadə, Ağstafa “Genclər Evi” SXM-nin direktoru Nicat Vəkilov, Qazax Rayon İcra Hakimiyyəti yanında Yerli Məşvərət Şurasının sədri Pəri İbrahimova, Qazax Dövlət Sosial-İqtisadi kollecinin Tələbə Gənclər Təşkilatının sədri Turxan Əliyev çıxış ediblər. 
Çıxışçılar qeyd ediblər ki, Azərbaycanda ilk dəfə olaraq 2 fevral 1996-cı ildə ümumilli lider Heydər Əliyevin təşəbbüsü ilə müstəqil Azərbaycan gənclərinin ilk forumu keçirilib. Forumda Azərbaycan Respublikasının Prezidenti Heydər Əliyev iştirak edib.
1997-ci il fevralın 1-də forumun ildönümü münasibəti ilə gənclərin bir qrupunu qəbul edən cənab Heydər Əliyev 2 fevral -Azərbaycan gəncləri gününün elan edilməsi haqqında Sərəncam imzalamışdır. Həmin vaxtdan etibarən ənənəvi olaraq hər il 2 fevral günü Azərbaycan gənclərinin bayramı kimi təntənəli şəkildə qeyd olunur.
Forumda bir qrup fəal gənclər Agstafa Rayon İcra Hakimiyyəti tərəfindən Fəxri fərmanla təltif olunublar.
Forum konsert proqramı ilə başa çatıb.
