Dünyada ticarət dövriyyəsinə görə ən böyük kriptovalyuta birjasının yaradıcısı olan aparıcı blokçeyn ekosistemi Binance, Azərbaycanda Novruz bayramına həsr olunmuş ilk yerli tədbirini təşkil etdi.
Tədbirə 300-dən çox iştirakçı qatıldı və bu, ölkədə kriptovalyuta icmasının formalaşması və güclənməsi baxımından əlamətdar hadisə oldu. Qonaqlar bayram əhval-ruhiyyəsini yaşamaqla yanaşı, ənənəvi qoğal və isti çaydan dadıb, kriptovalyuta mövzusunda əyləncəli fəaliyyətlərə qoşuldular, Binance-in brend hədiyyələrini əldə etdilər və yeni tanışlıqlar qazanmaq imkanı əldə etdilər.
Bayrama özəl olaraq şəhərdə Binance brendi ilə bəzədilmiş xüsusi fud-vən fəaliyyətə başladı. Burada iştirakçılar milli yeməklərdən dadmaqla yanaşı, rahat və qeyri-rəsmi mühitdə rəqəmsal aktivlər haqqında daha ətraflı məlumat əldə edə bildilər.
“Novruz – yeni başlanğıcların bayramıdır və məhz bu bayramla Azərbaycandakı yerli tədbirlərimizə start verdiyimiz üçün çox sevincliyik. Bizim üçün tədbir keçirmək sadəcə bir məqsəd deyil – biz açıq və mehriban kriptoicma formalaşdırmaq istəyirik. İstifadəçilərin böyük marağını görürük və rəqəmsal aktivləri hər kəs üçün daha əlçatan və başadüşülən etmək üçün kripto savadlılığın artırılmasına çalışırıq – bunu isə canlı ünsiyyət, cəlbedici məzmun və interaktiv yanaşma ilə reallaşdırırıq,” – deyə Binance şirkətinin Mərkəzi və Şərqi Avropa, Mərkəzi Asiya və Afrika regionları üzrə rəhbəri Kirill Xomyakov bildirib.
