İŞBSTX-nin keçirdiyi çox saylı tenderlərdən görünür ki, suyun maya dəyərini artıran əhali deyil, məhz dövlət pullarının hesabına komfort içində yaşamağa üstünlük verən Xidmətin əməkdaşlarıdır…
İri Şəhərlərin Birləşmiş Su Təchizatı Xidməti minik avtomobillərinə təxminən 200 min manatlıq yanacaq və yağ süzgəcləri alacaq.
Poliqon xəbər verir ki, İri Şəhərlərin Birləşmiş Su Təchizatı Xidmətinin nəqliyyat vasitələri üçün süzgəclərin satın alınmasıilə bağlı tenderə yekun vurulub. Ümumi məbləği 193.284 AZN olan enderin qalibi “Azizi” MMC elan olunub.
Alınacaq malların siyahısından görünür ki, 489 növ müxtəlif nəqliyyat vasitəsinə minlərələ sücgəc alınacaq və bu siyahıdan belə çıxır ki, İŞBSTX-də yüzlərlə, bəlkə də minlərlə minik avtomobilləri xidmət göstərir. Onların arasında müxtəlif növ çox bahalı “Lexus”lar, “Toyota”lar, “Mersedez Benz” avtomobilləri və çoxlu sayda digər markalara aid xidməti maşınlar var.
Maraqlıdır, bu avtomobillərin təkcə süzgəclərinin dəyişdirilməsi üçün İŞBSTX 200 min manata qədər dövlət vəsaiti xərcləyirsə, onda ümumilikdə xidmət avtomobillərinin saxlanılması, onlara göstərilən texniki xidmətlərə, avadanlıqlara və yanacağa İŞBSTX nə qədər vəsait sərf edir?
Qeyd edək ki, bu yaxınlarda İri Şəhərlərin Birləşmiş Su Təchizatı Xidmətinin rəsmisi açıqlama verərək bildirimişdi ki, əhaliyə satılan suyun maya dəyəri faktiki qiymətlərdən dəfələrlə yüksəkdir. Bəs bu maya dəyərini bu qədər şişirdənlər kimlərdir?
İŞBSTX-nin keçirdiyi çox saylı tenderlərdən görünür ki, suyun maya dəyərini artıran əhali deyil, məhz dövlət pullarının hesabına komfort içində yaşamağa üstünlük verən Xidmətin əməkdaşlarıdır. Daha doğrusu rəhbərliyidir. Suyun maya dəyərinin bu məmurların komfortu naminə artmasına baxmayaraq, son nəticədə isə bunu əhali və dövlət ödəyir.
Qeyd edək ki, ötən ilin dekabrında dərc olanan məlumatla görə, İri Şəhərlərin Birləşmiş Su Təchizatı Xidməti 2023-cü ili 226,293 milyon manat xalis zərərlə başa vurub və bu, 2022-ci illə müqayisədə 26,7 % çox olub.
Burdan belə çıxır ki, iki il əvvəl “Azərsu”dan İŞBSTX-yə çevrilən bu qurumda islahatlar mənfi nəticələr yaradıb və bu da təbii ki, rəhbərliyin yarıtmaz fəaliyyəti ilə əlaqəlidir.
İslahatdan söhbət düşmüşkən, artıq dövlət qurumlarında, o cümlədən sosial xidmət sahələrində daxili xərclərin minimuma endirilməsi ilə bağlı dövlət islahat komissiyyasının yaradılmasına ehtiyac yaranıb.
Qeyd edək ki, dünən yekunlaşan tender İŞBSTX-də əhaliyə satılan suyun maya dəyərini artıran yüzlərlə səbəblərdən biridir…
Poliqon.info
