Əlaqədar qurumlar icra başçısı ilə bacara bilmir, səbəb…
Bakının Səbail rayonunda qanunsuz tikililərin “ayaq açıb yeriməsi” ilə bağlı ölkə mediasında çoxsaylı məlumatlar yer almaqdadır. Xüsusilə də Bayıl ərazisində bu cür tikililərin yağışdan sonra ortaya çıxan göbələklər kimi sürətlə artması ciddi narahatlıq doğurmaqdadır.
Bununla bağlı cumhuriyyet.az olaraq apardığımız araşdırmalar nəticəsində məlum olub ki, səbaildəki qanunsuz tikililərin sayının artması nə Əmlak Məsələləri Dövlət Xidməti, nə də Şəhərsalma və Arxitektura Komitəsinin səhlənkarlığından qaynaqlanmır. Qanunsuz tikililərin artmasına səbəb bu tikililərin Səbail Rayon İcra Hakimiyyətindəki bəzi yetkililər tərəfindən himayə olunmasıdır. Məhz buna görə də rayon ərazisindəki qanunsuz tikililər azalmaq əvəzinə artmaqdadır. Ən maraqlısı isə budur ki, sözügedən tikililərin əksəriyyətində iş gecə saatlarında aparılır ki, bu da görülən işi ictimaiyyətin gözündən yayındırmaq məqsədi daşıyır. Qafur Məmmədov adına parkda baş verənlər bunun isbatıdır. Xatırladaq ki, son bir ildə Qafur Məmmədov adına parkda xeyli sayda qanunsuz tikili aparılıb ki, bunların hamısı icra hakimiyyətinin xeyir-duası ilə reallaşıb. İşin ənmpis tərəfi isə məlum tendensiyanın genişlənməsidir. Gələn yazılarımızda oxucularımızı baş verənlərlə bağlı daha geniş şəkildə məlumatlandırmağa çalışacağıq.
