Azərbaycan Respublikası Cinayət Məsəlləsinin 192. 3.2 (Xüsulilə külli miqdarda gəlir əldə etməklə törədildikdə) və 206.3.2(Qabaqcadan bir qrup şəxslə əlbir olaraq törədildikdə) maddəsi ilə ittiham olunaraq 2023-cü ildən həbsdə olan Elvin Şirinov işinə obyektiv baxılmaması şikayəti ilə Baş Prokurorluğa şikayət edib. Bu şikayət əsasında Sabunçu rayon prokurorluğunun əməkdaşları Kürdəxanı təcridxanasında E.Şirinovla görüşmüş və ondan izahat almışlar. Elvin Şirinov izahatında işinə ədalətli baxılmayacağı və haqq etdiyi bəraəti almayacağı halda həyatına qəsd edəcəyi ilə bağlı “ölüm ərizəsi” yazaraq Sabunçu rayon prokurorluğunun əməkdaşlarına təqdim edibş . Bununla bağlı Şirinova Nəzakət İbrahim qızl həbsdə olan oğlunun psixoloji durumu və həyatı təhlükəsi ilə bağlı dövlət başçısına müraciət ünvanlayıb. Müraciətdə deyilir:
“Cənab Prezident!
Övladının həyatından narahatçılıq keçirən bir ana olaraq son ümid yeri kimi Sizə-Azərbaycan xalqına ən böyük qələbələri yaşadan Liderə bir Ana kimi müraciət edirəm.
Oğlum Şirinov Elvin Valeh oğlu Azərbaycan Respublikasından kənd təsərrüfatı məhsullarını ölkə kənarına ixrac edib. İxrac zamanı bütün gömrük rüsumları iqtisadi və labaratoriya ödənişləri ödənilib. Azərbaycan Respublikasının ərazisində hər mövsümdə yetişdirilən kənd təsərrüfatı məhsulları, o cümlədən pomidor, xiyar, nar, xurma, alma, armud və arpa ixrac edilərək, dövlət vergisi də ödənilib. Bütün fəaliyyətini qanunvericilik əsasında görməsinə baxmayaraq 2023-cü ilin dekabrında oğlumun müəsisəsinin fəaliyyəti ilə bağlı Cinayət Məsəlləsinin 192. 3.2 və (Xüsulilə külli miqdarda gəlir əldə etməklə törədildikdə) 206.3.2
(Qabaqcadan bir qrup şəxslə əlbir olaraq törədildikdə) maddəsi ilə cinayət işi qaldırılıb və həbs edilib. Bir ana kimi oğlumun dövlətə heç bir ziyan vurmadığına əminəm. Gömrük və vergi sənədlərinin qaydasında olması haqda faktlar var. Bütün bu haqsızlığa dözməyən oğlum bir dəfə DTX təcridxanasında özünü asaraq, bir dəfə isə 2 nömrəli Kürdəxanı təcridxanasında damarlarını kəsərək intihara cəhd edib. Bu günlərdə onunla gələn prokurorluq əməkdaşlarına isə “ancaq mənim meyidimə ədalətsiz hökm oxuya bilərlər” deyərək işinə obyektiv baxılmayacağı halda intihar edəcəyini bildirib. Bu barədə Elvin Sabunçu rayon prokurluğunun əməkdaşlarına rəsmi yazılı izahatında da bildirib. Baş verəcək hər hansı faciəyə görə bu haqda məlumatlı olan orqanlar da məsuliyyət daşıyır. Oğlum haqsızlıq və bəzi monopolistlərin marağına qurban gedir.
Cənab Prezident!
Hazırda oğlumun haqqında qaldırılan cinayət işinin məhkəmə istintaqı aparılır. Oğlumun həyatı haqsızlıq qarşısında təhlükə altındadır. Sizdən bir Ana kimi bu işin obyektiv araşdırılması üçün lazımi tədbirlər görmənizi və oğlumun həbsxanada özünə qəsd etməsinin qarşısının alınmasını xahiş edirəm.”
