Prezident Administrasiyanın sabiq rəhbəri Ramiz Mehdiyevin vəzifədə olarkən, yerli icra orqanlarına başçı təqdimatında mühüm rol oynadığı sirr deyil. Onun özünə yaxın adamları təqdim etməsi əsasında icra başçısı postuna təyinat olardı. Bu səbəbdən, ölkədə xeyli İH rəhbərinin Mehdiyevin adamı olduğu haqda zaman-zaman iddialar səslənib.
Cumhuriyyet.az xəbər verir ki, adı çəkilən icra başçıları sırasında Lənkəran şəhərinə rəhbərlik edən Taleh Qaraşov da var. Onun uzun müddət Ramiz Mehdiyev tərəfindən siyasi himayəsi olduğu deyilir. Həmçinin fövqəladə hallar naziri Kəmaləddin Heydərovun da Qaraşovun təyinatında rolu olduğu bildirilir.
Yeri gəlmişkən, media resurslarında da Taleh Qaraşovun Ramiz Mehdiyevin adamı olduğu xəbərləri yer alır. Bu haqda dia.az xəbər yayıb. Sayt Lənkəranla yanaşı, Şirvan, Şəki və Bərdə şəhərlərinin icra başçılarının da Mehdiyevin kurasiyasında olduğunu iddia edib. Bütün bu iddialarla bağlı hər hansı rəsmi münasibət bildirilməyib.
