Azərbaycanada Kənd Təsərrüfatı artıq tamamilə çöküb. Bu sahə sahə ya ləğv olunmalıdır, ya da sıfırdan qurulmalıdır. Başa düşə bilmirik, Kənd Təsərrüfatı Nazirliyində nə səbəbə kənd təsərrüfatı mütəxəssisləri işləmir? Bu nazirliyin hüquq mühafizə orqanları ilə heç bir qohumluq əlaqəsi olmadığı halda buradakı kadrların əksəriyyəti hüququşnaslardır. Kadrların digər əksəriyyəti isə Xalq təsəssüfatı mütəxəssisləridir. Axı xalq təsərrüfatının kənd təsərrüfatı ilə heç bir uyğunluğu yoxdur.
Baytarlıq sahəsi çox spesfik sahə olduğu üçün Akademik Pavlov demişdir: İnsan həkimi insanları, Baytar həkimləri isə bütün bəşəriyyəti sağaldır. Əgər belədirsə onda bəs Respublikada o boyda baytarlığın rəhbəri vəzifəsinə baytarlıqdan heç bir anlayışı olmayan bir aqrokimyaçını Elməddin Namazovu gətirdilər və bununla da Respublikada heyvanların soyqırımı başlandı. Bunlar yaxşı mütəxəssisləri min cür bəhanələrlə işlərindən qovurlar. Bu sahədən anlayışı olmayanları və qocaları bu sahəyə gətirirlər ki, burada istədiklərini etsinlər.
Qəşəng bur atalar sözü var: “Toydan sonra nağara” . Respublikada Dabaq xəstəliyi tam yayılandan, çoxlu sayda heyvan qırılandan sonra Kənd Təsərrüfatı Nazirliyi indi dabaq vaksini gətirir. Baytarlıqdan anlayışı olmayan Respublikanın baş baytarı bilmir ki, Dabaq xəstəliyinə yoluxmuş heyvanlar immunitet qazandığı üçün ən azı 6 ay bu xəstəliyə yoluxmazlar. Milyonlarla manat pulları boş yerə xərcləyərək bu heyvanlar üçün vaksin gətirmək nə dərəcədə doğrudur?
Qazax rayonunda iribuynuzlu və xırdabuynuzlu heyvanlar arasında kütləvi dabaq xəstəliyinin yayılmasına və dabaq xəstəliyindən kütləvi heyvan ölümlərinə görə Respublikamızda baytarlığın 1 nömrəli rəhbəri və baytarlığa nəzarət edən baytarlıqdan heç bir anlayışı olmayan, ixtisasca aqrokimyaçı Elməddin Namazov vəziyyəti öyrənmək üçün Qazax rayonuna gəlmişdi. Elməddin Namazov Qazax rayonunda xəstəliyin qarşısının alınması üçün nə tədbir gördü və Kənd Təsərrüfatı Nazirliyinə nə xəbər gətirdi? Axı Elməddin Namazov aqrokimyaçı olduğu üçün baytarlıqdan heç bir anlayışı yoxdur. Baytarlıq sahəsi aqronomiya sahəsi deyil ki, bitkilərərə aqrotexniki qaydalara uyğun qulluq göstərsin. Elməddindən əvvəl baytarlıq sahəsinə savadlı baytar həkimlər nəzarət edirdilər. Kənd Təsərrüfatı Nazirliyi yaxşı işlədikləri üçün onları işlərindən qovdu. Bunlar bəlkə də Ramiz Mehdiyev yolunun davamçılarıdırlar. Respublikada kasıb kəndçiləri və baytarlığı məhv etmək üçün öz aqrokimyaçı dostunu baytarlığa rəhbər götürdü. Birmənalı olaraq başa düşülür ki, Kənd Təsərrüfatı Nazirliyi cənab Prezidentimizi aldatmaqla Respublikamızda Kənd Təsərrüfatını və Respublikanın rayonlarında Kənd Təsərrüfatı ilə məşğul olan aşağı təbəqəli xalqı məhv etdi. İndi onlar tutduqları vəzifələrindən qovulsalar da müharibədə əziz balaları ölmüş kasıbların ölmüş heyvanlarını bərpa etmək mümkün olmayacaq. İndi Qazaxa gəlmək lazım deyil. Gərək vaxtında işlərini yaxşı quraydılar. Vaksinləri vaxtında vursaydılar xəstəlik yayılmazdı və heç bir yerdən əmək haqqı almayan və heç bir yerdən bir qəpik də almayan, gözlərini 1-2 heyvana dikən kasıbların heyvanları ölməzdilər.
Respublikada rəhbərlikdə işləyən məmurların gözündə kasıbların qarışqa boyda dəyəri yoxdur. Əgər olsaydı tədbir görülərdi.
Respublikada baytarlığın tam dirçəlməsi üçün vəzifəsindən haqqsız qovulan Eldar Həsənovun yenə Respublikada baytarlığın rəhbəri təyin olunmsını çox isdərdik.
Hurriyyet.az
