Xətai rayonunda yaşıllıqların məhv edilməsi və yerinin obyektaltı istifadə üçün satılması çoxdandır ki davam edir. Xüsusilə də cənab Rafiq Quliyev 2019-cu ilin sonunda Rayon İcra Hakimiyyətinin başçısı vəzifəsinə irəli çəkiləndən sonra bu mənfi tendensiya daha da dərinləşdi. Məhv edilən yaşıllıqların yerində çay evləri, kafelər, avto-yuma məntəqələri yağışdan sonra çıxan göbələk kimi artmağa başladı. Bununla bağlı cumhuriyyet.az olaraq bildirək ki, əslində Rafiq Quliyevin adı rayon ərazisində torpaq sahələrinin qanunsuz olaraq satılmasında hələ xeyli əvvəldən, RİH başçısının birinci müavini vəzifəsində işlədiyi 2013-cü ildən hallanmağa başlamışdı. Xatırladaq ki, Razim Məmmədovun Xətai rayonuna rəhbərliyi dönəmində səkiyə, qaz borularının üstünə, yüksək gərginlikli elektrik xətlərinin altına illərlə əziyyət çəkilərək əkilib becərilən ağacların olduğu əraziyə müxtəlif məqsədli kommersiya obyektlərinin tikintisi üçün çoxlu sayda sərəncamlar verilib. Bu tip məsələlər məhz başçının I müavini Rafiq Quliyevin nəzarətində olub. Yəni həmin Sərəncamlara təşkilatçılığı Rafiq Quliyev edib və bu sayaq işlər onu oliqarxa çevirib. Göründüyü kimi, adamın bu sahədə on ildən artıq təcrübəsi var, tam ixtisaslaşıb. Ona görə də bəzən hətta iri-iri torpaq sahələrini satanda heç Bakı Şəhər İcra Hakimiyyətinin başçısı Eldar Əzizovla da hesablaşmağın vacibliyini də nəzərə almır.
Başçı ilə anlaşıb rayon ərazisində qanunsuz iş görənlər hətta qəfil iş başında yaxalansalar belə arxayındırlar ki, uzaqbaşı inzibati xətaya görə cərimələnəcəklər. Çünki Rafiq Quliyevin nüfuz etdiyi bütün əlaqədar qurumlar hər vəchlə çalışacaqlar ki, qanunsuz götürülən ağacların, yaşıllıqların həcmini cinayət tərkibi yaradacaq qədər, yəni yaşıllığa vurulan ziyanı külli miqdarda göstərməsinlər, Cinayət Məcəlləsinin 259-cu maddəsində nəzərdə tutulan cinayətin əlamətləri müəyyən edilməsin. Cumhuriyyet.az-a daxil olan məlumata görə Xətai rayonu Lütfizadə küçəsi 96 küçəsində qanunsuz tikinti işləri aparılır. Qanunsuz tikinti gecə vaxtlarında aparıldığı bildirilir. Qeyd edək ki, bu tikintinin icazəsi barədə Dövlət Şəhərsalma və Arxitektura Komitəsinin bazasında heç bir məlumat yoxdur. Dövlət Komitəsindən rəsmi icazəsi olmadan aparılan tikinti işlərini Xətai rayon İcra Hakimiyyətinin “razılığı” əsasında aparıldığı iddia olunur. Qanunsuz tikinti ilə bağlı Xətai rayon icra hakimiyyətindən heç bir açıqlama almaq mümkün olmadı.
Xətai rayonunda növbəti qanunsuz tikinti işləri aparılır. XALQ-a daxil olan məlumata görə Xətai rayonu Telnov küçəsində yol kənarında qanunsuz tikinti işləri aparılır.
Qeyd edək ki, bu tikintinin icazəsi barədə Dövlət Şəhərsalma və Arxitektura Komitəsinin bazasında heç bir məlumat yoxdur. Dövlət Komitəsindən rəsmi icazəsi olmadan aparılan tikinti işlərini Xətai rayonu icra hakimiyyətinin səlahiyyətli şəxslərinin “razılığı “əsasında aparıldığı iddia olunur. Məlumatlara görə Xətai rayonu ərazisində belə qanunsuz tikintilər ilk deyil. Bu hallarla bağlı sosial platformada mütəmadi məlumatlar dərc olunur.
Qanunsuz tikinti ilə bağlı Xətai rayonu icra hakimiyyətindən heç bir açıqlama almaq mümkün olmadı.
Məsələ ilə bağlı qurumaların mövqeyini dərc etməyə hazırıq.
Qeyd edək ki, 2019-cu ildən Xətai rayonu icra hakimiyyətinin başçısı Rafiq Quliyevdir.
Həmin qanunsuz tikintinin görüntülərini təqdim edirik:
