Bir müddətdir Baş Prokurorluq Azərbaycan Milli Elmlər Akademiyasında (AMEA) araşdırma aparır.
Oktyabrın 1-də Baş prokuror Kamran Əliyev jurnalistlərə açıqlamasında demişdi ki, onda olan məlumata görə, artıq bəzi epizodlarda ibtidai istintaq tamamlanıb, istintaq tamamlanmış həmin işlər baxılması üçün məhkəməyə göndərilib.
Hələlik hansı işlərin məhkəməyə göndərildiyi, o işlərin Cinayət Məcəlləsinin hansı maddələri ilə aparıldığı, kimlərin təqsirləndirilən şəxs qismində cəlb olunduğu ictimaiyyətə bəlli deyil. Baş prokuror oktyabrın 1-də jurnalistlərə demişdi ki, zərurət olarsa, bu barədə əlavə məlumat veriləcək.
AMEA-da yol verilən qanunsuzluqlarla bağlı ibtidai istintaqı hələ davam etdirilən cinayət işinə gəlincə, bu işin Cinayət Məcəlləsinin hansı maddələri ilə aparıldığı oktyabrın 29-da Baş Prokurorluğun yaydığı məlumatdan aydın olur. Söhbət 179.4 (xüsusilə külli miqdarda ziyan vurmaqla israf etmə) və 308.2-ci (ağır nəticələrə səbəb olan vəzifə səlahiyyətlərindən sui-istifadə etmə) maddələrdən gedir. 29 oktyabr məlumatına əsasən, bu iş üzrə 3 milyon manat büdcə vəsaitinin əsassız olaraq xərclənməsinə şübhələr müəyyən edilib, istintaq tədbirləri nəticəsində akademiyanın İşlər İdarəsinin sabiq müdiri, hazırda Rəyasət Heyəti Aparatının sosial xidmətlər şöbəsinə müdirlik edən Elton Məmmədovun həmin vəsaiti tam şəkildə dövlət büdcəsinə ödəməsi təmin olunub.
Beləliklə, AMEA-da yol verilən qanunsuzluqlarla bağlı ibtidai istintaqı davam etdirilən cinayət işinin iki maddə ilə aparıldığı və bu iş üzrə şübhəli şəxs qismində cəlb olunanlardan birinin adı (Elton Məmmədov) artıq rəsmən açıqlanıb.
Qeyri-rəsmi isə mediada başqa adlar da çəkilir, Baş Prokurorluqda ümumən AMEA ilə bağlı qaldırılan cinayət işləri çərçivəsində akademiyanın həm indiki prezidenti İsa Həbibbəylinin fəaliyyətinin, həm də Ramiz Mehdiyev və Akif Əlizadənin akademiyaya rəhbərlik etdikləri dövrlərdəki fəaliyyətlərin yoxlandığı deyilir.
İsa Həbibbəyli 2022-ci il oktyabrın 26-dan AMEA-nın prezidentidir.
Ramiz Mehdiyev 2019-cu il oktyabrın 23-dən 2022-ci il fevralın 14-dək, Akif Əlizadə isə 2013-cü il aprelin 25-dən 2019-cu il oktyabrın 23-dək AMEA-ya rəhbərlik edib.
Hazırda AMEA-da yol verilən qanunsuzluqlarla bağlı Cinayət Məcəlləsinin iki maddəsi ilə ibtidai istintaqı davam etdirilən cinayət işi hər iki maddənin ən ağır bəndi ilə aparılır.
Biri 179-cu maddədir. Bu maddə mənimsəmə və ya israf etmə haqqındadır. Ən ağır bəndi dördüncü bənddir. Baş prokuror yanında Korrupsiyaya Qarşı Mübarizə Baş İdarəsində ibtidai istintaqı davam etdirilən cinayət işi 179-cu maddənin məhz həmin bəndi, yəni 179.4-cu maddə ilə aparılır. 179.4-cü maddədə 10 ildən 14 ilədək müddətə azadlıqdan məhrum etmə cəzası nəzərdə tutulur.
İbtidai istintaqı davam etdirilən cinayət işinin növbəti maddəsi 308-ci maddədir. Bu maddə vəzifə səlahiyyətlərindən sui-istifadə haqqındadır. AMEA-ya qarşı cinayət işi bu maddənin ikinci bəndi, yəni 308.2-ci maddə ilə aparılır. 308.2-ci maddə – ağır nəticələrə səbəb olan vəzifə səlahiyyətlərindən sui-istifadə 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə 3 ildən 7 ilədək müddətə azadlıqdan məhrum etmə ilə cəzalandırılır.
Bir müddətdir Baş Prokurorluq Azərbaycan Milli Elmlər Akademiyasında (AMEA) araşdırma aparır.
Oktyabrın 1-də Baş prokuror Kamran Əliyev jurnalistlərə açıqlamasında demişdi ki, onda olan məlumata görə, artıq bəzi epizodlarda ibtidai istintaq tamamlanıb, istintaq tamamlanmış həmin işlər baxılması üçün məhkəməyə göndərilib.
Hələlik hansı işlərin məhkəməyə göndərildiyi, o işlərin Cinayət Məcəlləsinin hansı maddələri ilə aparıldığı, kimlərin təqsirləndirilən şəxs qismində cəlb olunduğu ictimaiyyətə bəlli deyil. Baş prokuror oktyabrın 1-də jurnalistlərə demişdi ki, zərurət olarsa, bu barədə əlavə məlumat veriləcək.
AMEA-da yol verilən qanunsuzluqlarla bağlı ibtidai istintaqı hələ davam etdirilən cinayət işinə gəlincə, bu işin Cinayət Məcəlləsinin hansı maddələri ilə aparıldığı oktyabrın 29-da Baş Prokurorluğun yaydığı məlumatdan aydın olur. Söhbət 179.4 (xüsusilə külli miqdarda ziyan vurmaqla israf etmə) və 308.2-ci (ağır nəticələrə səbəb olan vəzifə səlahiyyətlərindən sui-istifadə etmə) maddələrdən gedir. 29 oktyabr məlumatına əsasən, bu iş üzrə 3 milyon manat büdcə vəsaitinin əsassız olaraq xərclənməsinə şübhələr müəyyən edilib, istintaq tədbirləri nəticəsində akademiyanın İşlər İdarəsinin sabiq müdiri, hazırda Rəyasət Heyəti Aparatının sosial xidmətlər şöbəsinə müdirlik edən Elton Məmmədovun həmin vəsaiti tam şəkildə dövlət büdcəsinə ödəməsi təmin olunub.
Beləliklə, AMEA-da yol verilən qanunsuzluqlarla bağlı ibtidai istintaqı davam etdirilən cinayət işinin iki maddə ilə aparıldığı və bu iş üzrə şübhəli şəxs qismində cəlb olunanlardan birinin adı (Elton Məmmədov) artıq rəsmən açıqlanıb.
Qeyri-rəsmi isə mediada başqa adlar da çəkilir, Baş Prokurorluqda ümumən AMEA ilə bağlı qaldırılan cinayət işləri çərçivəsində akademiyanın həm indiki prezidenti İsa Həbibbəylinin fəaliyyətinin, həm də Ramiz Mehdiyev və Akif Əlizadənin akademiyaya rəhbərlik etdikləri dövrlərdəki fəaliyyətlərin yoxlandığı deyilir.
İsa Həbibbəyli 2022-ci il oktyabrın 26-dan AMEA-nın prezidentidir.
Ramiz Mehdiyev 2019-cu il oktyabrın 23-dən 2022-ci il fevralın 14-dək, Akif Əlizadə isə 2013-cü il aprelin 25-dən 2019-cu il oktyabrın 23-dək AMEA-ya rəhbərlik edib.
Medianews.az bildirir ki, hazırda AMEA-da yol verilən qanunsuzluqlarla bağlı Cinayət Məcəlləsinin iki maddəsi ilə ibtidai istintaqı davam etdirilən cinayət işi hər iki maddənin ən ağır bəndi ilə aparılır.
Biri 179-cu maddədir. Bu maddə mənimsəmə və ya israf etmə haqqındadır. Ən ağır bəndi dördüncü bənddir. Baş prokuror yanında Korrupsiyaya Qarşı Mübarizə Baş İdarəsində ibtidai istintaqı davam etdirilən cinayət işi 179-cu maddənin məhz həmin bəndi, yəni 179.4-cu maddə ilə aparılır. 179.4-cü maddədə 10 ildən 14 ilədək müddətə azadlıqdan məhrum etmə cəzası nəzərdə tutulur.
İbtidai istintaqı davam etdirilən cinayət işinin növbəti maddəsi 308-ci maddədir. Bu maddə vəzifə səlahiyyətlərindən sui-istifadə haqqındadır. AMEA-ya qarşı cinayət işi bu maddənin ikinci bəndi, yəni 308.2-ci maddə ilə aparılır. 308.2-ci maddə – ağır nəticələrə səbəb olan vəzifə səlahiyyətlərindən sui-istifadə 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə 3 ildən 7 ilədək müddətə azadlıqdan məhrum etmə ilə cəzalandırılır.
Medianews.az
