Rəqəmsal İnkişaf və Nəqliyyat Nazirliyinə (RİNN) məxsus “Aztelekom” MMC-nin “Şimal-Şərq” regional filialı və bu qurumda baş verən qanunsuzluqlarla bağlı ötəön ilin iyul ayında ölkə mediasında kifayət qədər məlumat yer almışdı. Həmin məlumatlarda qeyd olunurdu ki, Aztelekom” MMC-nin “Şimal-Şərq” regional filialının müdiri Nazim Əliyev tutduğu vəzifədən istifadə edəərk özü və ətrafındakı bir qrup insan üçün gün ağlayır, dövlət əmlakının talanması ilə məşğul olur. Nümunə üçün 15 iyul 2024-cü il tarixində pravda.az saytında gedən məlumatı oxucuların diqqətinə çatdırırıq: “Rəqəmsal İnkişaf və Nəqliyyat Nazirliyinə (RİNN) məxsus “Aztelekom” MMC-nin “Şimal-Şərq” regional filialında maliyyə təftişi aparılıb. Aparılan təftişin nəticəsi olaraq RİNN “Aztelekom” MMC-nin “Şimal-Şərq” regional filialında 900 min manatlıq maliyyə kəsiri aşkarlayıb. Bu xəbər elektron poçta göndərilmiş məktubdandır. Arif Qasimovun adından göndərilmiş məktubda deyilir ki, cəmiyyətdə “Mis Nazim” kimi tanınan Nazim Əliyevin rəhbərlik etdiyi “Aztelekom” MMC-nin “Şimal-Şərq” regional filialında maliyyə vəsaitindən düzgün istifadə edilməyib, külli miqdarda yeyinti və mənimsənilməyə yol verilib. “RİNN-nin həyata keçirdiyi maliyyə təftişinin ardınca Hesablama Palatasının bu qurumda daha genişmqiyaslı maliyyə təftişi aparacağı gözlənilir”.
O bildirib ki, Nazim Əliyev bölgədə “mis alverçisi” kimi ad çıxarıb. “Nazim Əliyev mis kabellərin optik kabellərlə əvəzlənməsi prosesindən milyonlarla manat məbləğində qanunsuz vəsait əldə edib, bir çox hallarda RİNN-ə şişirdilmiş məlumatlar, saxta rəqəmlər təqdim edib”.
(https://pravda.az/news/154818 )
Bugünlərəd redaksiyamıza daxil olan məlumatlardan bəlli olub ki, bu qurumda vəziyyət ötən müddət ərzində nəinki dəyişməyib, əksinə, daha da ağırlaşıb. İddia olunur ki, “Aztelekom” MMC-nin “Şimal-Şərq” regional filialının müdiri Nazim Əliyev sovet dönəmində çəkilən yeraltı kabel xətlərinin optik kabellərlə əvəz edilməsi prosesindən milyonlar qazanmaqdadır. Bundan başqa, sovet dövründən, habelə 90-cı illərdən qalan ateistlərin ləğv edilməsi, onların küçələrəd quraşdırılan kiçik və elektron ateistlərlə əvəzlənməsi prosesi də Nazim Əliyevə böyük pullar qazandırmaqdadır.
Əldə edilən məlumata görə, Nazim Əliyevin ölkənin şimal zonasında at oynatmasına səbəb onun rəqəmsal inkişaf və nəqliyyat naziri Rəşad Nəbiyevlə yaxın münasibətə malik olmasıdır. Elə bu səbəbdən də Nazim Əliyevin “Burda mənəm, Bağdadda kor xəlifə” prinsipi ilə hərəkət etdiyi iddia olunur.
Mənbənin məlumatına görə, Nazim Əliyevin Sumqayıt Şəhər İcra Hakimiyyətinin başçısı Zakir Fərəcovla da dostluq münsibətləri mövcuddur.
