2025-ci ilin yanvar-oktyabr aylarında Azərbaycandan 10,8 milyard dollarlıq xam neft və xam neft məhsulu ixrac olunub. Hesabatı yayan Dövlət Gömrük Komitəsi ixrac ünvanlarını statistik dəyərə görə belə sıralayıb: İtaliya, Çexiya, Xorvatiya, Almaniya, Rumıniya, Portuqaliya, Böyük Britaniya, Yunanıstan, İrlandiya, Niderland, Tunis, Fransa, Hindistan, İsveçrə, Avstriya, Tailand, İndoneziya, Türkiyə, Danimarka, Bolqarıstan, Gürcüstan.
Medianews.az bildirir ki, Azərbaycanın 2025-ci il büdcəsində bir barrel neft 70 dollardan götürülüb, “AzəriLayt” markalı Azərbaycan nefti yanvara 79, fevrala 78,52, marta 75,68, aprelə 78,29, maya 65,13, iyuna 68,82, iyula 72,01, avqusta 72,70, sentyabra 70,54, oktyabra 69,86, noyabra 65,87 dollarla başlayıb.
İxracatçıların OPEK+ koalisiyası Azərbaycan üçün xam neftin hasilat normasını 551 min barrel müəyyən edib, yanvar-oktyabr aylarında ölkədə kondensatla birlikdə 23 milyon ton neft çıxarılıb.
