Azərbaycan Dəmir Yolları” Qapalı Səhimdar Cəmiyyətinin (ADY) Hərəkət vasitələrinin təmiri departamentinin rəisi Elyar Muradov vəzifəsindən azad edilib.
Mia.az Qaynarinfo-ya istinadla xəbər verir ki, QSC-nin sədri Rövşən Rüstəmov bu barədə əmr imzalayıb.
Rövşən Rüstəmovun digər əmri ilə Elyar Muradovun vəzifəsi bir qədər yüksəldilib və “Azərbaycan Dəmir Yolları”nın Baş Mühəndisi təyin olunub.
Qeyd edək ki, Elyar Muradov 2004-2023-cü illərdə ADY-nin Sərnişin daşımaları departamentinin, ardınca isə Hərəkət vasitələrinin təmiri departamentinin rəisi vəzifəsində çalışıb.
Mia.az xatırladır ki, Elyar Muradov sabiq nəqliyyat naziri Ziya Məmmədovun ən sadiq kadrlarındandır: “O, məhz Ziya Məmmədovun dəstəyi ilə bu sahədə bir çox vəzifələrə gətirilib. Elyar Muradov Ziya Məmmədovun, hətta ondan sonra Cavid Qurbanovun dövründə dəmiryolu sahəsində “ən kilid vəzifələr”ə sahiblənib. Eyni zamanda, Ziya Məmmədov-Cavid Qurbanov tandemində əsas fiqurlardan sayılıb…”.
Ziya Məmmədovun əslən Cəbrayıldan olan Elyar Muradovu nədən irəli çəkməsi haqqında da maraqlı iddialar var…
Bu və ya digər iddialarla bağlı dəqiqləşmələrimiz davam edir.
Samir MUSAYEV
MİA.AZ
