Ermənistanda kilsə parçalanması davam edir. Musavat.com xəbər verir ki, “Moskovskiy komsolets” bu mövzudakı xəbərində qondarma Artsax ifadəsini işlədib, vaxtilə Azərbaycanın işğal olunmuş bölgəsində yaradılmış yeparxiyanın Erməni Apostol Kilsəsinin hakimiyyətlə qarşıdurmasına qoşulduğunda yazıb.
Bildirilir ki, yeparxiyanın yepiskopu Vrtanes Abramyan bir qrup din xadimi ilə birlikdə baş nazir Nikol Paşinyanla görüşüb. Görüşdən sonra onların bəyanatı yayılıb. Bəyanatda katolikos “küfr əməlləri” ört-basdır etmək cəhdində suçlayıblar, yeni katolikos seçkilərinin keçirilməsinə çağırış edib. İddia olunur ki, Artsax yepiskopunun da bu konfliktdə tərəf olması ruhanilər arasında qəzəb doğurub. Bundan sonra Artsax Yeparxiyasının Şurası bəyan edib ki, yepiskop Vrtanes Abrahamyanın mövqeyini bölüşmür. Artsax Yeparxiya Şurasının sədri Lernik Hovhannisyan isə sosial mediada yepiskopu sərt ittiham edib. “Artsaxın təslim edilməsində məsul şəxslə görüşmək, onun əlini sıxmaq və ona baş əymək – hamımızda qəzəb və hiddət doğurub. Bu, ruhani liderimizə açıq hörmətsizlikdir ” deyə, o bildirib. Separatçı qurumun üzvləri noyabrın 30-da İrəvandakı yeparxiyanın iqamətgahı qarşısında aksiya keçirməyə qərar verib. Onlar Vrtanes Abrahamyanı daha öz ruhani lideri kimi tanımaq istəmirlər.
“Sputnik Ermənistan” a danışan Erməni Apostol Kilsəsi şurasının sadə üzvü, keçmiş ədliyyə naziri Gevork Danelyan isə deyib ki, Paşinyanın 5 yepiskopu kabinetinə yığaraq yeni katolikos seçkisi keçirmək istəyi baş tutmayacaq. Çünki bəyanat imzalayan beş yepiskopun təmsil olunduğu Ali Ruhani Şura erməni kilsəsinin rəhbər orqanlarından yalnız biridir. Yəni Paşinyanın istəyi ilə yepiskoplar nə seçki keçirə, nə II Qaregin vəzifəsindən uzaqlaşdırmaq mümkünsüzdür.
“Bu, ilk növbədə, katolikos tərəfindən qəbul edilən qərarlar üçün məşvərətçi orqandır. O, həm ruhanilərdən, həm də din xadimlərindən olmayanların yerinə başqa üzvləri təyin etmək hüququna malikdir. Ola bilsin ki, belə təyinatlar yaxın gələcəkdə həyata keçirilsin”, sabiq nazir bildirib.
Ekspertlər deyirlər ki, katolikosun istefası an məsələsidir. Amma problem daha dərindir: erməni kilsəsinin yeni rəhbərinin kilsə qanunları və ənənələri ilə deyil, hakimiyyətin diktəsi ilə idarə olunacaq Bu da kilsənin suverenliyi üçün təhlükəli presedent yaradır.
Musavat.com
