ABŞ prezidenti Donald Tramp sanksiyalara məruz qalan bütün Venesuela neft tankerlərinin bloklanmasına əmr verib.
Mia.az xarici mətbuata istinadla xəbər verir ki, bu barədə Trampın özü açıqlama verib.
O, ABŞ Hərbi Dəniz Qüvvələrinin Venesuelanı tamamilə mühasirəyə aldığını gizlətməyib: “Addım-addım əməliyyatlarımız davam edir, edəcək. Venesuela hökuməti xarici terror təşkilatıdır. Bu səbəbdəm tariximizin ən böyük donanmasını Cənubi Amerikaya göndərim. Venesuela ABŞ-dan oğurlandığı neft, torpaq və digər aktivlər geri qaytarana qədər blokadada qalacaq. Artıq Venesuelaya daxil olan və çıxan bütün neft tankerləri bloklanacaq. Bu məqsədlə oradakı donanmamız daha da böyüdüləcək. Onlar əvvəllər heç vaxt görmədikləri bir şok yaşayacaqlar”
Rəsmi Karakas isə Tramp qərar və bəyanatını beynəlxalq hüquq, azad ticarət və naviqasiya azadlığını pozan ciddi və kobud bir təhdid olduğunu bəyan edib: “ABŞ Venesuelanın təbii sərvətlərini ələ keçirmək planı güdür. Bu, açıq şəkildə müstəmləkə cəhdidir”.
Prezident Nikolas Maduro da Vaşinqtonu Venesuelanın neft və təbii sərvətlərini ələ keçirməyə çalışmaqda günahlandıraraq, əsla geri çəkilməyəcəklərini deyib: “Ölkəmizin suverenliyi və qanuni maraqlarından heç vaxt geri addım atmayacğıq”.
Bu arada bəlli olub ki, ABŞ Dövlət Katibi Marko Rubio və Müdafiə naziri Pit Heqset qapalı iclasda senatorları Venesuelaya qarşı əməliyyatlar barədə məlumatlandırıblar. Heqset bildirib ki, Venesuela sahillərində bəzi hədəflərə hücumun görüntüləri ictimaiyyətə açıqlanmayacaq: “Biz bunları yalnız sizə qapalı formada izlədə bilərik”.
Dövlət katibi isə bildirib ki, Venesuelaya qarşı əməliyyatlar məqsədə nail olunana qədər dayanmayacaq.
BMT-nin İnsan Hüquqları üzrə Ali Komissarı Volker Türk isə hər iki ölkəyə səslənib. O, mülki şəxslərə qarşı Venesuelada təzyiqin artdığını, özbaşına həbslərin davam etdiyini və humanitar böhranın dərinləşdiyini xüsusi vurğulayb. Komissar daha sonra hər iki ölkəni bölgəni savaça sürükləyən addımlardan çəkinməyə çağırıb.
