Dünyanın ən aparıcı universitetlərində təqaüdlü şəkildə oxuyan tələbələr məhz “Pilgrim Education” Təhsil Mərkəzinin tələbələridir. Belə tələbələrdən Natiq Cavadov, Rübabə Aslanova, Fərid Mehtiyev və Ülkər Nəsibli bu il Dövlət Proqramı 2022–2028 təqaüdünü əldə etmişlər.
Yuxarıda adları qeyd olunan tələbələr Birləşmiş Krallığa qəbul olmuşlar. Natiq Cavadov və Ülkər Nəsibli UCL (University College London) – TOP 9, Rübabə Aslanova isə Edinburgh Universiteti – TOP 34 sıralamasında yer alan ali təhsil müəssisəsinə qəbul olunmuşdur. Bu uğurlar gələcəyimiz olan gənclərin daha savadlı və peşəkar formalaşacağına tam zəmanət verir.
Onu da nəzərinizə çatdıraq ki, bu proqramı qazanmaq üçün ilkin mərhələdə Mərkəz vasitəsilə qəbul əldə olunur, daha sonra isə xüsusi “voice-up” təlimi vasitəsilə müsahibə mərhələsindən uğurla keçmək mümkündür.
Gənclərimizin əldə etdiyi uğurları nəzərə alaraq “Pilgrim Education” Təhsil Mərkəzinin direktoru Aisa Aslanova ilə əlaqə saxladıq. Təhsil ekspertinin dediklərindən:
“Mərkəzin icraçı direktoru bildirir ki, qəbulun və təqaüdün qazanılmasında əsas sirr komanda işidir. “Pilgrim Education” Təhsil Mərkəzi olaraq hər zaman işimizə məsuliyyətlə yanaşırıq və bu da təbii ki, bəzilərində qıcıq yaradır. Sağlam rəqabət aparmaq imkanında olmayan bəzi şəxslər bütün vasitələrlə uğurlarımıza kölgə salmağa çalışırlar. Sizi inandırım ki, özündə cəsarət və iradə toplayan tələbələr qarşılarına qoyduqları məqsədlərə qısa zamanda nail olurlar. Qeyd etdiyim tələbələr mərkəzin əməkdaşları ilə birgə ən azı 9 ay müddətində çalışaraq uğurlara imza atıblar. Təbii ki, tələbələrin qazandığı uğurlar birbaşa bizim “Pilgrim Education”Təhsil Mərkəzinin uğurlarıdır. Çalışırıq ki, hər yeni ildə uğurlarımızı daha da artıraq. Qarşıdan gələn Dünya Azərbaycanlılarının Həmrəyliyi Günü münasibətilə bütün tələbələrimizi və eyni zamanda kollektivimizi səmimi-qəlbdən təbrik edirəm. Uğurlarınız müstəqil Azərbaycanımızın uğuru olsun!”
