Son 10 ildə Cənubi Afrika sahillərində ekolji fəlakət yaşanır.
Mia.az xarici mətbuata istinadla xəbər verir ki, bu müddətdə təxminən 62.000 Afrika pinqvini aclıqdan ölüb.
Yeni bir elmi araşdırmaya əsasən, buna səbəb iqlim dəyişikliyi və balıqçılıq sahəsindəki ovlanmanınnəzərdə tutulan hədd olub. Nəticə etibarı ilə pinqvin populyasiyası səkkiz ildə təxminən 95 faiz azalıb: “Bu. artıq fəlakət deməkdir…”.
Araşdırma müəlliflərindən bioloqu Riçard Şerli qeyd edib ki, bu azalma yalnız Cənubi Afrika ilə məhdudlaşmır: “Ümumiyyətlə, Afrika pinqvinləri son 30 ildə qlobal miqyasda təxminən 80 faiz azalıb. Afrika pinqvinləri ildə təxminən 20 gün quruda ərimək üçün vaxt keçirirlər. Bu müddət ərzində qidalana bilmədikləri üçün əvvəlcədən kifayət qədər yağ ehtiyatı toplamaları vacibdir. Lakin onların əsas qida mənbəyi olan sardina ehtiyatları da ovlana səbəbindən azalaraq 25 faizə qədər enib. Təbii ki, bu da pinqivinnlərin mütləq əksəriyyətinin aclıqdan ölümünə rəvac verən əsas amillərdən biri olub…”.
Alim deyir ki, pinqvinlər 20 günlük quruda yağ əritmədən əvvəl və ya dərhal sonra kifayət qədər qida qəbul etməlidir: “Bunu edə bilmədikdə isə ortaya katastrof mənzərə çıxır. Təsadüfi deyil ki, Afrika pinqvinləri üçün ən vacib iki çoxalma ərazində təxminən 62.000 yetkin pinqvin məhz aclıqdan ölüb”.
Ekoloq Robert Krouford və Keyptaun Meşəçilik, Balıqçılıq və Ətraf Mühit Departamentindən olan komandası isə araşdırmada öz fikirlərini açıqlayıblar. Onlar sardina ehtiyatlarının azalmasının səbəbini limitsiz ovlanma ilə yanaşı, arxasında insanların yaratdığı iqlim dəyişikliyinin durduğunu da qeyd ediblər: “Temperatur və duzluluq dəyişikliyi balıqçılıq sektrounu çətin vəziyyətə salıb…”
Xatırladaq ki, artıq Afrika pinqvinləri nəsli kəsilməkdə olan növlər siyahısına daxil edilib.
Lamiyə Əhmədli
MİA.AZ
