Ermənistanın baş naziri Nikol Paşinyanın kilsəyə qarşı hücumları davam edir. Tribuna.az xəbər verir ki, artıq Eçmiəzdin kilsəsinin Ali Şurası bir neçə gündür bu səbəbdən toplana bilmir.
Dünən Paşinyan ermənilərin necə xirstian olması məsələsinə də toxunub. O bildirib ki, bu mövzuda hər hansı əlahiddə bir iddia ilə çıxış etmək yersizdir. Onun sözlərinə görə, ermənilər xristianlığı həmin dönəmlərdə kralın verdiyi fərmana əsasən qəbul ediblər. “Biz ona görə xristianıq ki, kral Trdat səhər durub fərman imzaladı. Və hamı həmin fərmana tabe oldu. Başqa səbəb yoxdur”.
Qeyd edək ki, erməni kilsəsi uzun illərdir iddia edir ki, guya, onlar xristianlığı “xüsusi missiya” olaraq qəbul ediblər. Hətta özlərini “Allahın ordusu” kimi təqdim etmə halları da var.
