Mərkəzi Asiyada Avropa arxadan zərbə endirir. Rusiyaya, eləcə də Türkiyəyə arxadan zərbə endirir. Bəzilərimiz Mərkəzi Asiya ölkələrinə Rusiya ilə Türkiyə arasında mübarizə məkanı kimi baxdığımız halda, orada Avropa həm Rusiya, həm də Türkiyəni vurur.
Cumhuriyyet.az xəbər verir ki, bunu rusiyalı politoloq Sergey Markov deyib.
“Faktlar? Avropa Birliyi-Mərkəzi Asiya sammiti baş tutub. Və Şimali Kipr Türk Respublikasının müstəqillik hüququnu inkar edən qətnamə qəbul edilib. Bu, Türkiyədə fırtınaya səbəb olub. Axı, bu Mərkəzi Asiya ölkələrinin demək olar ki, hamısı türkdilli dövlətlərin birliyində də var. Türkiyə ora çoxlu pul yatırır və orada lider olduğunu düşünür. Amma Avropa Mərkəzi Asiya ölkələrini Türkiyənin maraqlarına zərbə vurmağa məcbur etməyi öz üzərinə götürdü”, – o bildirib.
