Vəkillər Kollegiyasının üzvü Səbuhi Axundov anasını bacısı ilə vidalaşması üçün Gürcustana göndərməsi ilə bağlı Baş Nazirə və müvafiq qurumlara sosial şəbəkə hesabında müraciət edib.
Mediaxeberleri.Az xəbər verir ki, Vəkillər Kollegiyasının üzvü Səbuhi Axundov deyib: “Ölüm ayağında olan bacısı ilə vidalaşması üçün təyyarə ilə uçuşa səhhəti icazə verməyən anamı Borçalıya, Gürcustana göndərə bilmədim. İndi bacısı dünyasını dəyişdi. Özü Qazaxda, yas məclisi 80 km aralıda, amma sərhədi keçməsi üçün bir kitab sənəd lazımdır. İcazə gələnə kimi də mərhum dəfn olunacaq.
Ölüm hamı üçün var. Bu təbii prosesdir, amma indiki şəraitdə anam üçün bacısı ilə vidalaşa bilməmək ağır bir vəziyyət yaradır. Sözlə ifadə etməkdə çətinlik çəkirəm. Mən anama sərhədlərin bağlı olmasının siyasi motivini izah edə bilmirəm. Üzümü tuturam cənab Baş Nazir Əli müəllimə, bu gün şənbə günüdür və heç yer işləmir. Borçalı mahalında mərhum 3 gün sonra dəfn olunur. Bu bəlkə də qürbətdə olanların son mənzilə yola salarkən vidalaşmaları üçün bir şansdır. Sizdən xahiş edirəm, mənim ahıl anamın bacısı ilə vidalaşa bilməsi üçün asan bir prossedurla Qırmızı Körpü gömrük keçid məntəqəsindən keçməyinin təmin edilməsinə dair göstəriş verəsiniz. Bu işin hüquqi prosseduru vaxt aparır və mərhumla son dəfə vidalaşmağa zaman qalmır. Bu statusumu mediada olan dostlardan xahiş edirəm paylaşaq. Bəlkə bir əlac oldu. Ana ağlıyanda hər şeyin dəyəri itir. Hisslər ifadə olunmaz olur. Bu müqəddəs missiyasını icra edə bilmək üçün mümkün prosseduru sadələşdirməyinizi xahiş edirəm”.
Ümid edirəm ki, müraciətimlə bağlı ciddi addımlar atılacaq. Müraciətimə həssas yanaşan qurumların rəhbərlərinə əvəllcədən təşəkkürümü bildirirəm.
