Azərbaycan Ordusunda xidmət edən qadın hərbi qulluqçular və mülki işçilərin sayı açıqlanıb.
Cumhuriyyet.azxəbər verir ki, bu, Ailə, Qadın və Uşaq Problemləri üzrə Dövlət Komitəsinin 2024-cü il üzrə məlumatında əksini tapıb.
Siyahı aşağıdakı kimidir:
– zabit və gizir qadın hərbi qulluqçular – 329 nəfər;
– müddətdən artıq həqiqi hərbi xidmət edən qadın hərbi qulluqçular – 1602 nəfər;
– qadın mülki işçilər 10218 nəfər;
Həmçinin Müdafiə Sənayesi Nazirliyi ilə bağlı statistika açıqlanıb.
Qeyd olunub ki, bu ilin yanvarına olan statistik hesabata əsasən, işçilərin ümumi sayı – 6331 nəfər, qadınların sayı 2137 nəfər, rəhbər vəzifədə çalışan qadınların sayı 151 nəfər, rəhbər vəzifədə çalışan kişilərin sayı 613 nəfər təşkil edib.
– rəhbər vəzifədə çalışan qadın hərbi qulluqçular – 4 nəfər;
– rəhbər vəzifədə çalışan qadın mülki işçilər – 2 nəfər,
Bundan başqa, 2024-cü ildə Dövlət Təhlükəsizlik Xidmətində (DTX) qadınların hərbi xidmətə (işə) qəbulu, onların məsul vəzifələrə irəli çəkilməsi, zabit hərbi rütbələrinin artırılması tədbirləri davam etdirilib. Həyata keçirilmiş fəaliyyətin nəticəsi olaraq hazırda DTX-da çalışanların 22%-ni qadınlar təşkil edir və onlardan 34 nəfəri rəhbər vəzifələri tutur.
Dövlət Sərhəd Xidmətində çalışanlardan 87 faizi kişilər, 13 faizi isə qadınlardan ibarət olub.
İllik məlumat parlamentin Ailə, qadın və uşaq məsələləri komitəsinin bugünkü iclasında müzakirə olunub.
