Tuapse Dəniz Ticarət Limanı, “TMCP Enterprise” MMC, “Temryuk” dəniz daşıma terminalı və “Dar Fruit” MMC-yə məxsus obyektlər Rusiyanın mülkiyyətinə keçib.
Musavat.com xəbər verir ki, bu barədə “Kommersant” nəşri Krasnodar diyarının Arbitraj Məhkəməsinin qərarına istinadən məlumat yayıb.
Məlumatda bildirilir ki, bu strateji müəssisə azərbaycanlı Şahlar Novruzova məxsus olub.
Liman və onun obyektləri Rusiya Baş Prokurorluğunun “cinayətkar qruplaşmanın üzvü” hesab etdiyi Azərbaycan vətəndaşına qarşı qaldırdığı iddiadan sonra ələ keçirilib.
Qeyd edək ki, Şahlar Novruzov “külli miqdarda dələduzluq” ittihamı ilə həbsdədir.
Musavat.com
